Ravarysta Palijenku buduć sudzić nie tolki za hvałt nad supracoŭnikam DAI, a jašče i za raspaŭsiud porna
Stała viadoma, što sud nad Dźmitryjem Palijenkam pačniecca 11 kastryčnika ŭ 10.00 u sudzie Centralnaha rajona h. Minska. Spravu razhladać budzie sudździa Valery Jeśman.
Sudzić chłopca buduć pa art. 364 Kryminalnaha kodeksa «Hvałt abo pahroza ŭžyvańnia hvałtu ŭ dačynieńni da supracoŭnika orhanaŭ unutranych spraŭ», za jaki praduhledžana adkaznaść u vyhladzie aryštu, abmiežavańnia voli na termin da piaci hadoŭ, abo pazbaŭleńnia voli na termin da šaści hadoŭ.
Akramia hetaha, pravaabaroncam ź lista ad Dźmitryja Palijenki stała viadoma, što dadatkova jaho abvinavačvajuć pa č.2 art. 343 KK RB «Vyrab i raspaŭsiudžvańnie parnahrafičnych materyjałaŭ abo pradmietaŭ parnahrafičnaha charaktaru», pa jakim chłopcu pahražaje pazbaŭleńnie voli na termin ad dvuch da čatyroch hadoŭ.
Miž tym, kryminalny pieraśled u dačynieńni da Stanisłava Kanavałava byŭ spynieny 24 žniŭnia, vierahodna jon budzie vystupać u sudzie ŭ jakaści śviedki.
Nahadajem, žorstkaje zatrymańnie viełasipiedystaŭ-udzielnikaŭ «Krytyčnaj masy» adbyłosia ŭviečary 29 krasavika. U vyniku hrubych dziejańniaŭ AMAPa było zatrymana 6 čałaviek, jakich mocna źbili i advieźli ŭ RUUS Centralnaha rajona. Paźniej čaćviora z zatrymanych padpisali pratakoły ab parušeńni praviłaŭ darožnaha ruchu i akazańni supraciŭleńnia supracoŭnikam orhanaŭ unutranych spraŭ i DAI, a suprać dvaich byli raspačatyja kryminalnyja spravy.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary