Vialikabrytanija budzie supraćstajać jakim by tam ni było płanam stvaryć vojska Jeŭrasajuza, pakolki heta moža padarvać rolu NATA, zajaviŭ ministr abarony krainy ser Majkł Fełan.
«NATA pavinna zastavacca krajevuholnym kamieniem našaj abarony i abarony Jeŭropy», — zajaviŭ jon napiaredadni nieaficyjnaj sustrečy ministraŭ abarony krain-siabroŭ ES u stalicy Słavakii Bracisłavie.
Francyja i Hiermanija majuć namier na hetaj sustrečy prasoŭvać ideju bolšaj vajennaj kaapieracyi. Prezident Jeŭraparłamienta Marcin Šulc užo zajaviŭ, što ŭ Brytanii nie budzie prava vieta pa hetym pytańni.
Brytanija zachoŭvaje za saboj prava vieta da taho času, pakul kančatkova nie pakinie šerahi ES.
Adnak, pa słovach Fełana, Brytanija — nie adzinaja kraina, nie zhodnaja sa stvareńniem jeŭrapiejskaj abaronnaj struktury.
Vystupajučy ŭ Bracisłavie, jon skazaŭ, što Brytanija zastajecca prychilnaj idei jeŭrapiejskaj biaśpieki, niahledziačy na rašeńnie vyjści sa składu ES, i pakazaŭ, što Jeŭrasajuzu nieabchodna pryvieści ŭ adpaviednaść svaje mahčymaści na fonie prablem sučasnaha śvietu, takich jak teraryzm i mihracyja.
«Adnak my budziem praciahvać supraciŭlacca stvareńniu armii ES albo jeŭrapiejskich štaboŭ, što pa sutnaści padarvie NATA», — skazaŭ Fełan.
Kamientary