Hatel Renaissance (pr. Dziaržynskaha, 1Je). 19.00.
Cyrymonija hanaravańnia pieramožcaŭ litaraturnaj Premii imia Ježy Hiedrojca adbudziecca 12 kastryčnika ŭ hateli Renaissance (pr. Dziaržynskaha, 1Je), paviedamlajuć arhanizatary. Pačatak a 19-j. Uvachod volny.
Premija Hiedrojca prysudžajecca štohod za najlepšuju knihu, napisanuju na biełaruskaj movie, u žanrach «mastackaja proza» i «eseistyka».,
Na hałoŭnuju ŭznaharodu sioleta pretendujuć nastupnyja knihi:
1. Andrej Adamovič «Taŭściła i lešč», Vilnia, «Łohvinaŭ»
2. Valancin Akudovič «Pračnucca rankam u svajoj krainie», Vilnia, «Łohvinaŭ»
3. Alhierd Bacharevič «Biełaja mucha, zabojca mužčyn», Minsk, «Halijafy»
4. Aleś Paškievič «Ruch», Minsk, «Knihazbor»
5. Tania Skarynkina «Šmat Česłava Miłaša, krychu Ełvisa Preśli», Vilnia, «Łohvinaŭ»
6. Maks Ščur «Zaviaršyć hieštalt», Ternopal, «Krok»
Aŭtar knihi, jakaja zojmie treciaje miesca, atrymaje dvuchtydniovy tvorčy adpačynak u Bierlinskim litaraturnym kałokviumie, druhoje — tvorčuju stypiendyju ŭ Domie tvorčaści piśmieńnikaŭ (h. Viśbiu, Hotłand, Šviecyja), pieršaje — ček na sumu, jakuju štohod vyznačaje IdeaBank. Sioleta suma ŭznaharody budzie ekvivalentnaja 5000 jeŭra — heta ŭdvaja mieniej, čym letaś.
U žury premii sioleta ŭvajšli Ihar Babkoŭ, Siarhiej Dubaviec, Ludmiła Rubleŭskaja i Hanna Jankuta — ź biełaruskaha boku; Andžej Bžeziecki i Małhažata Nocuń — z polskaha boku. Hanarovy staršynia žury — Nadzvyčajny i Paŭnamocny Pasoł Respubliki Polšča ŭ Respublicy Biełaruś Konrad Paŭlik.
U minułyja hady pieramožcami premii byli Pavieł Kaściukievič z knihaj «Zbornaja RB pa niehałoŭnych vidach sportu» (2012); Uładzimir Niaklajeŭ z knihaj «Aŭtamat z haziroŭkaj ź siropam i biez» (2013); Ihar Babkoŭ «Chvilinka. Try historyi» (2014); Viktar Kaźko «Čas źbirać kości»(2015).
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty19
Kamientary