Biełaruskaja kampanija naładziła dastaŭku hruzaŭ u Kitaj udvaja chutčej, čym čyhunkaj, i ŭ 4 razy tańniej, čym pavietram
Novaje łahistyčnaje rašeńnie, prapanavanaje transpartna-ekśpiedycyjnaj kampanijaj «Krafttrans», dazvalaje dastaŭlać hruzy ź Biełarusi ŭ Kitaj aŭtamabilnym transpartam u 3 razy chutčej za kantejniernyja marskija pieravozki i ŭ 4 razy tańniej za avijacyjnyja. Prajekt atrymaŭ nazvu «Šaŭkovy šlach 2.0», paviedamili ŭ kampanii.
«Na siońniašni dzień Kitaj dla Biełarusi — adzin z pryjarytetnych ekanamičnych partnioraŭ. I «Krafttrans» aktyŭna raźvivaje hety kirunak. Raniej my prapanoŭvali našym klijentam na vybar dastaŭku hruzaŭ pavietranym, čyhunačnym i marskim transpartam, adrazu ž znajšli aptymalnaje rašeńnie dla aŭtamabilnaha transpartu. Heta ekanomnaja inavacyja «Šaŭkovy šlach 2.0», — raspaviali ŭ kampanii.
«Krafttrans» užo nie pieršy hod pracuje pa dastaŭcy hruzaŭ u Kitaj. Za hety čas nazapašany praktyčny dośvied pracy z kitajskim bokam: hruzy dastaŭlalisia praz party z «davozami» uhłyb Kitaja, ažyćciaŭlałasia terminovaja avijadastaŭka, čyhunačnyja hruzapieravozki z Padniabiesnaj, uklučajučy prajektnuju łahistyku.
Jak adznačajuć u kampanii, z Kitajem «treba ŭmieć pracavać», bo isnuje masa asablivaściaŭ, niaviedańnie jakich moža istotna paŭpłyvać na łahistyku. Taksama važna viedańnie kitajskaj movy — jak vusnaj, dla znosin z čynoŭnikami, tak i piśmovaj, dla afarmleńnia dakumientaŭ. Płanamiernaje raźvićcio «kitajskaha» kirunku dało svaje vyniki — na siońniašni dzień śpiecyjalisty «Krafttrans» znajomyja z usimi niuansami i śpiecyfikaj.
Stvareńnie ekanomnaj inavacyi «Šaŭkovy šlach 2.0» stała čarhovym krokam u raźvićci łahistyčnaha kirunku, jon uvabraŭ u siabie ŭsie napracoŭki kampanii. Dastaŭka hruzaŭ ź Biełarusi ŭ Kitaj pa «Šaŭkovym šlachu 2.0» ažyćciaŭlajecca ŭsiaho za 12 dzion — heta amal u 2 razy chutčej, čym čyhunačnym transpartam, i ŭ 3 razy — čym moram. Avijacyjaj heta možna zrabić jašče chutčej — za 3—5 dzion, ale košt pry hetym budzie ŭ 4 razy vyšejšym.
| «Takim čynam, naša pasłuha padydzie dla kampanij, jakim treba dastavić hruz apieratyŭna, ale jany nie hatovyja płacić za dastaŭku pavietram», — rastłumačyŭ kiraŭnik adździeła aŭtamabilnych hruzapieravozak «Kitaj» kampanii «Krafttrans» Arciom Michnievič. |
Pieršyja hruzapieravozki ŭ Kitaj ź Biełarusi pa «Šaŭkovym šlachu 2.0» prademanstravali zručnaść i biaśpieku dadzienaha łahistyčnaha kalidora. U pryvatnaści, ź Minska ŭ Kitaj była dastaŭlena bujnaja partyja darahoha abstalavańnia.
U kampanii ŭpeŭnienyja, što novaje łahistyčnaje rašeńnie zacikavić vytvorcaŭ sielskahaspadarčaj i śpiecyjalnaj techniki, siezonnych tavaraŭ, a taksama skorapsavalnych praduktaŭ.
Akramia vydatnych suadnosin «chutkaść — košt», dastaŭka pa «Šaŭkovym šlachu 2.0» maje i inšyja plusy. Tak, u zakazčykaŭ niama nieabchodnaści stvarać składskija zapasy — hruz adpraŭlajecca praktyčna adrazu. Akramia taho, dziakujučy apieratyŭnaści dastaŭki, paskarajucca i ŭzajemaraźliki — apłata nie «zavisaje» na 2 miesiacy, jak u vypadku ź pieravozkami pa mory.
«Krafttrans» całkam kantraluje ŭvieś praces hruzapieravozak z dapamohaj sučasnych IT-sistem i apieratyŭna pieradaje infarmacyju klijentu nie tolki ab miescaznachodžańni hruzaŭ, ale i ab usich situacyjach, jakija ŭźnikajuć padčas dastaŭki. Kampanija biare na siabie ŭsie raboty pa afarmleńni supravadžalnych dakumientaŭ, a taksama dakumientaŭ dla prachodžańnia kitajskaj miažy. Viedańnie śpiecyjalistami «Krafttrans» kitajskaha zakanadaŭstva i movy dazvalaje dastaviać hruzy uhłyb Kitaja da kančatkovaha punkta pryznačeńnia.
«Hruzapieravozki ŭ Kitaj — adzin z pryjarytetnych kirunkaŭ našaj dziejnaści. Biełaruska-kitajski tavarazvarot raście, ekanamičnyja suviazi macniejuć, i naša zadača — zabiaśpiečyć aptymalnyja łahistyčnyja rašeńni. Na siońniašni dzień my dastaŭlajem hruz u KNR usimi mahčymymi vidami transpartu heta i terminovyja avijapieravozki ź luboha horada Biełarusi, kantejniernyja pieravozki ŭ marskuju častku Kitaja bujnych partyj hruzaŭ, dastaŭka čyhunačnym transpartam (dziakujučy najaŭnym damovam z čyhunkami Rasii i Kazachstana) i aŭtamabilnyja pieravozki — ekanomnaja inavacyja «Šaŭkovy šlach 2.0», — padkreślili ŭ kampanii.
Mižnarodnaja transpartna-ekśpiedycyjnaja kampanija «Krafttrans» pracuje na rynku transpartna-ekśpiedycyjnych pasłuh z 1995 hoda. Hieahrafija pieravozak achoplivaje bolš za 100 krain śvietu. «Krafttrans» akazvaje pasłuhi mižnarodnych pieravozak hruzaŭ naziemnym (aŭtamabilnym i čyhunačnym), marskim i avijacyjnym transpartam, a taksama realizuje multymadalnyja schiemy dastaŭki.
Pryvatnaje pradpryjemstva «Drajv Miedyja» UNP 192317694
Kamientary