Studenty MIPSA: «Siońnia napadnika ŭ HC «Jeŭropa» pryvozili va ŭniviersitet»
Studenty MIPSA paviedamili, što siońnia ranicaj Uładzisłava Kazakieviča, jaki ź bienzapiłoj i siakieraj napaŭ na naviedvalnikaŭ HC «Jeŭropa», pryvozili va ŭniviersitet.
Fota vidavočcaŭ
— Było kala 9.20, skončyłasia pieršaja para, — raspaviadaje adna sa studentak. — Sa staroha korpusa, dzie my zajmajemsia, ja pajšła ŭ hałoŭny — u šapik. Centralny ŭvachod hałoŭnaha korpusa byŭ začynieny, i achoŭnik pakazaŭ, što treba iści ŭ abchod. Ja nie viedała, što adbyvajecca, ale kala KPP užo sabrałasia šmat ludziej. Ja źbiehała ŭ šapik, a kali viartałasia, ubačyła, jak viaduć Ułada. Jon išoŭ, apuściŭšy hałavu ŭniz. Pobač — ludzi ŭ čornym.
Pa słovach studentki, ludzi ŭ natoŭpie abmiarkoŭvali, što heta śledčy ekśpierymient. Uładzisłaŭ pavodziŭ siabie spakojna, dzielicca nazirańniami surazmoŭca, na rukach kajdanki, u ruce — papiarovaja siakiera.
— Ja bačyła, jak jon išoŭ u kuryłku, dzie zvyčajna źbirajecca šmat ludziej. Potym raspaviadali, što jaho paviali ŭ šostuju aŭdytoryju. Tam u subotu ŭ hrupy Ułada pavinny byli prachodzić pary.
— Jakaja abstanoŭka ciapier va ŭniviersitecie?
— Napružanaja, strašna chadzić na zaniatki. Ci stali studenty z-za hetaha prapuskać zaniatki? Dumaju, nie. U našaj hrupie, naprykład, ciapier prahulvajuć tolki tyja, chto i raniej prahulvaŭ. Žyćcio ž praciahvajecca, tolki kuratary praviali prafiłaktyčnyja hutarki. Skazali, što treba być pilnymi.
Apieratyŭna atrymać kamientar u Śledčym kamitecie pra toje, navošta zatrymanaha pryvozili ŭ VNU, nie ŭdałosia. Raniej u pravaachoŭnych orhanach raspaviali, što ŭ kastryčniku hetaha hoda jon mieŭ namier ździejśnić anałahičnaje dziejańnie pa miescy vučoby, adnak nie davioŭ svoj namier da kanca pa nie zaležnych ad jaho pryčynach. Mahčyma, pa hetaj pryčynie ŭ VNU byŭ arhanizavany śledčy ekśpierymient.
Nahadajem, hetym letam Uładzisłaŭ Kazakievič pastupiŭ na jurydyčny fakultet univiersiteta «MIPSA». Adnak 3 kastryčnika z-za propuskaŭ jaho adličyli.
Ciapier čytajuć
U SIZA KDB apynuŭsia Mikałaj Cyrto, fihurant staroj spravy Biełarusbanka. Druhi raz — za palityku1
Kamientary