Hramadstva4747

SOS! U Astraŭcy vysiakajuć viekavyja duby

Žychary Astraŭca aburanyja: u suviazi z razbudovaj horada vakoł jaho źniščajuć viekavyja duby. «Na hetym miescy buduć prakładać hazapravod», — apraŭdvajecca dyrektar miascovaha vytvorča-ramontnaha ŭčastka Kazimir Bahdanovič. Ale niaŭžo nielha było abminuć takoje charastvo?

«Miesca im mała! Vysiakajuć takija drevy, jakija byli b azdobaj luboha horada, luboha kvartała! Dy ŭ luboj krainie ludzi hatovyja doraha zapłacić, kab mieć taki pryhožy dub na svajoj vulicy, a ŭ nas traciać bienzin i psujuć piły na zrazańnie», — emacyjna napisaŭ nam čytač z Astraŭca, jaki paprasiŭ padpisać jaho Marjanam (adras u Redakcyi jość).

Vyśvietliłasia, što zajmajecca rabotami daččynaje pradpryjemstva miascovaha ŽKH pad nazvaj «Vytvorča-ramontny ŭčastak».

Tam paćvierdzili, što niekalki duboŭ na skryžavańni vulic Kastryčnickaj i Niezaležnaści na vyjeździe z Astraŭca sapraŭdy padlahajuć źniščeńniu.

Heta abumoŭlena płanam zabudovy, jaki ŭžo prajšoŭ usie ekśpiertyzy i zaćvierdžany. Na hetym miescy buduć prakładać hazapravod, kaža dyrektar pradpryjemstva Kazimir Bahdanovič.

Ale ŭ «Vytvorča-ramontnym ŭčastku» zapeŭnili, što źniščanyja buduć tolki niekalki drevaŭ. «Moža try, moža čatyry», — kaža Bahdanovič.

Tym časam «Naša Niva» atrymała ŭžo inšy list ad čytačoŭ Viačasłava P. i Dzijany D., jakija skardziacca, što «pad nož» pojdzie ceły łandšaftny łuh — bolš za 40 drevaŭ. Voś hety:

Heta nibyta budzie vyklikana budoŭlaj novaha mikrarajona pamiž vioskami Kamienka, Słabodka i samim Astraŭcom.

Ale ž u vytvorča-ramontnym učastku kažuć, što pra heta im ničoha nie viadoma — va ŭsiakim razie pakul što, zahad na źniščeńnie drevaŭ nie pastupiŭ, śćviardžaje dyrektar Bahdanovič.

«Naša Niva» budzie dalej sačyć za situacyjaj, ale zvaroty ŭ miascovyja kantralujučyja orhany pavinny pisać i sami žychary, kab źbierahčy miascovuju pryhažość.

Adras Astravieckaha rajvykankama: 231201, h. Astraviec, vuł. K.Marksa, 2. Telefon: (01591) 2-12-24. Zajmajecca takimi pytańniami adździeł ŽKH i hałoŭny architektar rajona.

Kamientary47

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Kiraŭnik Lidy zaklikaŭ siłavikoŭ nie spyniać palityčnych represij28

Kiraŭnik Lidy zaklikaŭ siłavikoŭ nie spyniać palityčnych represij

Usie naviny →
Usie naviny

Pad Minskam učora bačyli śmierč

Čas dla vialikaha nastupu Rasii: jakimi mohuć być «apošnija 50 dzion vajny»3

Aŭtobus Minsk — Vilnia źjechaŭ u kiuviet u Vałožynskim rajonie

Dla haradžan — pieramoha, dla viaskoŭcaŭ — trahiedyja. Što pakazała dziaržaŭnaje apytańnie pra Druhuju suśvietnuju vajnu24

Achova i dziasiatki ludziej u kamandzie: za što žyvie Ofis Cichanoŭskaj u Vilni?49

Užo ŭ adzinaccać hadoŭ? Va ŭsim śviecie ŭzrost pačatku pieršych miesiačnych praciahvaje maładzieć7

Źjaviłasia niečakanaja viersija pryčyny źniknieńnia Mielnikavaj, jakaja «šmat što tłumačyć»37

Šmatdzietnaja amierykanskaja siamja ŭciakła ŭ Rasiju ad «ŁHBT-prapahandy». Muž užo trapiŭ na vajnu18

«Takoha jašče nie było». Adbyłasia masiravanaja ataka na Kryvy Roh, Vińnicu, Charkaŭ3

bolš čytanych navin
bolš łajkanych navin

Kiraŭnik Lidy zaklikaŭ siłavikoŭ nie spyniać palityčnych represij28

Kiraŭnik Lidy zaklikaŭ siłavikoŭ nie spyniać palityčnych represij

Hałoŭnaje
Usie naviny →

Zaŭvaha:

 

 

 

 

Zakryć Paviedamić