U Viciebsku avaryja na vadapravodzie, niekalki damoŭ zastalisia biez vady
U Viciebsku z-za avaryi na vadapravodzie niekalki žyłych damoŭ časova zastalisia biez chałodnaj vady. Praryŭ truby adbyŭsia ŭ subotu na vulicy Lenina prosta pasiarod prajeznaj častki, paviedamiŭ Viciebski abłvykankam.
U vyniku zdareńnia chałodnaje vodazabieśpiačeńnie było adklučana ŭ šaści šmatkvaternych damach. Kab zabiaśpiečyć žycharoŭ pitnoj vadoj, arhanizavali jaje padvoz — aŭtabočku pastavili kala doma № 52 na vulicy Lenina.
Pavodle infarmacyi «Viciebskvodakanała», ramontnyja raboty płanujuć pačać u 23:00, kali źmienšycca intensiŭnaść ruchu transpartu. Ułady taksama papiaredzili, što padčas ramontu i na praciahu nastupnych sutak jakaść vady moža pahoršycca.
Raniej padobnaja situacyja adbyłasia ŭ Minsku, ale tam 19 studzienia była paškodžanaja ciepłavaja mahistral, u vyniku čaho źnikła haračaja vada. Likvidacyja hetaj avaryi zaciahnułasia na niekalki dzion, całkam adnavili ciepłazabieśpiačeńnie i padaču haračaj vady tolki k 22 studzienia.
Taksama ŭ hetyja dni avaryi na ciepłatrasach i ciepłasietkach adznačalisia ŭ Homieli, Barysavie, Smalavičach.
Ciapier čytajuć
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?2
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary