MZS Biełarusi pra incydent z «Biełavija»: rasšyfroŭka jość, reakcyi ad Ukrainy — niama
Ukrainski bok pakul nijak nie adreahavaŭ na notu pratestu, jakuju biełaruski MZS uručyŭ časovamu pavieranamu ŭ spravach susiedniaj krainy paśla incydentu z samalotam «Biełavija» 21 kastryčnika.
Pres-sakratar MZS Dźmitryj Mirončyk, adkazvajučy na pytańnie ab tym, ci była reakcyja ŭkrainskaha boku na biełaruskuju notu pratestu, zajaviŭ:
— U nas jość rasšyfroŭka pieramovaŭ ekipaža samalota «Biełavija», jaki lacieŭ rejsam Kijeŭ — Minsk 21 kastryčnika, z ukrainskim dyśpietčaram. U hetym dakumiencie ŭtrymlivajucca vyraznyja zajavy pra pahrozu prymianieńnia bajavoj avijacyi ŭ vypadku, kali samalot nie raźvierniecca i nie prybudzie nazad u Kijeŭ. Z hetaj razmovy absalutna zrazumieła, što dadzienyja słovy — heta nie inicyjatyva dyśpietčara. Paznačana peŭnaje viedamstva, jakoje addavała adpaviednuju kamandu.
Pa słovach Dźmitryja Mirončyka, «vyklikaje peŭnaje ździŭleńnie pazicyja ŭkrainskaha boku, ukrainskich partnioraŭ, u dačynieńni da jakich Biełaruś zaŭsiody trymałasia dobrasusiedskaj siabroŭskaj linii».
— Ukrainski bok mieŭ mahčymaść damahčysia svaich metaŭ, nie źviartajučysia da prymusovych dziejańniaŭ u dačynieńni da pavietranaha sudna, a vykarystoŭvajučy dvuchbakovyja miechanizmy pa linii siłavych struktur. Na žal, na zhadanuju situacyju reakcyja ŭkrainskaha boku absalutna adsutničaje.
Kali reakcyi nie budzie i dalej, zajaviŭ pres-sakratar MZS, biełaruski bok budzie vymušany pryniać dadatkovyja kroki:
— Až da apublikavańnia rasšyfroŭki pieramovaŭ členaŭ ekipaža z ukrainskim dyśpietčaram. Ale čas jašče jość, pačakajem.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ20
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary