U Minskaj vobłaści amal 96,7% aŭtamabilnych daroh patrabujuć ramontu («ekspłuatujucca ź pieravyšeńniem mižramontnych terminaŭ»). Pra heta paviedamlaje kamunalnaje ŭnitarnaje pradpryjemstva pa prajektavańniu, ramoncie i budaŭnictvie daroh «Minskabłdarbud», piša Euroradio.
U kancy kastryčnika jano dasłała adkaz na list Minskaha viełasipiednaha tavarystva (jaho źmiaściŭ u Facebook čalec tavarystva Jaŭhien Charužy). Ravarystaŭ cikaviła pytańnie raspracoŭki i markiroŭki viełasipiednych maršrutaŭ pa miascovych aŭtadarohach Minskaj vobłaści.
«Minskabłdarbud» paviedamlaje, što «pa vynikach siezonnych ahladaŭ 2059,2 km daroh z asfaltabietonnym pakryćciom Minskaj vobłaści źjaŭlajucca avaryjnymi i patrabujuć pieršačarhovaha ramontu». Ź ich amal 105 kiłamietraŭ — u Vałožynskim rajonie. Adznačajecca, što finansavańnie darožnaj haspadarki Minščyny składaje tolki 17% ad nieabchodnaj sumy (z ulikam transpartnaha padatku).
Na padstavie hetych dadzienych pradprymstva nie moža ŭzhadnić maršruty viełasipiednaha ruchu — «isnujučaja sietka daroh nie ŭ poŭnaj miery adpaviadaje pa ŭmovach biaśpieki masavamu ruchu ravarystaŭ».
Kamientary