Abrany prezident ZŠA Donald Tramp sprabavaŭ padkupić žurnalistaŭ «padarunkami» padčas prezidenckaj kampanii, pra heta ŭ svajoj knizie raspaviała viadoŭca telekanała Fox News Miehan Kieli.
U knizie «Zadavolvajciesia bolšym» televiadoŭca Miehan Keli raspaviała pra toje, što respublikaniec Donald Tramp padčas pieradvybarčaj kampanii sprabavaŭ «biespaśpiachova» paŭpłyvać na jaje pracu. Žurnalistka havoryć, što Tramp prapanoŭvaŭ joj roznaha kštałtu padarunki, a taksama biaspłatnaje znachodžańnie ŭ adnym z hatelaŭ, jaki jamu naležyć.
Pra heta piša RBK sa spasyłkaj na Associates Press, u rasparadžeńni jakoha jość asobnik rukapisu žurnalistki. Reliz knihi Kieli, pa dadzienych vydańnia, pavinien adbycca ŭ aŭtorak, 15 listapada.
Jak udakładniła ŭ svajoj knizie televiadoŭca, padčas prezidenckaj kampanii Tramp sprabavaŭ padkupić nie tolki jaje, ale i inšych žurnalistaŭ.
U «Zadavolvajciesia bolšym» Kieli raspaviała pra toje, što za svaje «padarunki» Tramp chacieŭ zahadzia atrymać jaje vodhuk pra debaty, na jakich žurnalistka vystupiła z krytykaj zajaŭ respublikanca pra žančyn. Jak adznačaje AP, paśla svajoj admovy na takuju prapanovu žurnalistka sutyknułasia z pahrozami i abrazami.
Debaty, pra jakija zhadvaje televiadoŭca Fox News, adbylisia 8 žniŭnia i sabrali rekordnuju aŭdytoryju — bolš za 24 młn čałaviek. Tady ŭ debatach uziali ŭdzieł dziesiać najbolš papularnych palitykaŭ-respublikancaŭ, jakija zmahalisia za prava stać kandydatami ŭ prezidenty ZŠA.
Skandalnuju ŭvahu padčas debataŭ pryciahnuła vykazvańnie Trampa pra palitkarektnaść. «U vas u Twitter byli hreblivaje vykazvańni pra toje, jak vyhladajuć žančyny… Jak budziecie adkazvać na abvinavačvańni Chiłary Klintan, jakaja, napeŭna, stanie kandydatam ad demakrataŭ, što vy źjaŭlajeciesia ŭdzielnikam vajny suprać žančyn?» — zadała pytańnie maderatar dyskusii Miehan Kieli.
Na jaje zaŭvahu Tramp adkazaŭ, što, na jaho dumku, «vialikaja prablema hetaj krainy — palitkarektnaść». «I kali ščyra, u hetaj krainy taksama niama na jaje času», — reziumavaŭ miljarder.
U ZŠA 8 listapada adbylisia vybary 45-ha prezidenta, pieramohu na jakich atrymaŭ kandydat ad respublikancaŭ Donald Tramp.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary