Kanadski premjer abiacaje zachoŭvać cisk na Kreml niezaležna ad pazicyi Trampa
Na fonie paviedamleńniaŭ ŚMI pra mahčymaje paciapleńnie adnosin pamiž Biełym domam i Kramlom pry prezidencie Donaldzie Trampie Kanada budzie prytrymlivacca papiaredniaha kursu.
Pra heta paviedamiła, spasyłajučysia na słovy premjer-ministra krainy Žustena Trudo, ahienctva VICE News.
«My adkryta kazali, što rasijskaja interviencyja va Ukrainie nieprymalnaja, i my praciahniem kazać heta i padtrymlivać Ukrainu ŭ jaje baraćbie z ahresijaj», — skazaŭ Trudo.
Premjer adznačyŭ, što nie vyklučaje kantaktaŭ z Maskvoj pa tych pytańniach, dzie dźvie dziaržavy majuć ahulnyja intaresy: «arktyčnaje supracoŭnictva, kontrteraryzm, u tym liku zaniepakojenaść vakoł Bližniaha Uschodu, dzie jość mahčymaści jak minimum mieć kanstruktyŭny dyjałoh z Rasijaj».
Adnak, pa jahonych słovach, «my nie admovimsia ad asudžeńnia niezakonnych i škodnych dziejańniaŭ, jakija Rasija zrabiła va Ukrainie».
Kamientary