U 10 kaviarniach Minska źjavilisia palicy dla biełaruskamoŭnaha bukkrosinhu

Bukkrosinh — heta hramadski ruch, jaki ŭjaŭlaje saboju abmien knihami pamiž nieznajomymi ludźmi. Kožny jaho ŭdzielnik moža pakinuć knihu, jakoj choča padzialicca, u śpiecyjalna abaznačanym miescy i zamiest jaje ŭziać lubuju inšuju. Pa inicyjatyvie kampanii velcom knižnyja palicy dla bukkrosinhu z tvorami sučasnych biełaruskich autaraŭ ustalujuć ŭ kaviarniach Minska i abłasnych haradoŭ Biełarusi.

Pieršymi svajo miesca na palicach dla bukkrosinhu zaniali knihi Ludmiły Rubleŭskaj z cykła ab pryhodach Pranciša Vyrviča — «Avantury studyjozusa Vyrviča» i «Avantury drahuna Pranciša Vyrviča». Mienavita tvoram hetaj piśmieńnicy pryśviečany pieršy MOVABOX — unikalny nabor, u jaki ŭvachodziać kniha i źviazanyja ź joj artefakty. Atrymać jaho zmohuć 20 ščaśliŭčykaŭ, jakija projduć adpaviedny test na sajcie prajekta www.movabox.by. 

Pavialičyć

Prajekt MOVABOX robić akcent na tvorčaść pradstaŭnikoŭ sučasnaj biełaruskaj litaratury. Tamu na palicach bukkrosinha taksama jość takija knihi, jak raman Juryja Stankieviča «Paŭnočny viecier dla śpiełych pładoŭ», zbornik litaraturnych ese Andreja Fiedarenki «Siečka», kalekcyja litaraturnych zamalovak ad Adama Hłobusa pad nazvaj «Partrety».

Prajekt MOVABOX vynikaje ź jašče adnoj inicyjatyvy kampanii — «Čytajem pa-biełarusku z velcom», meta jakoj — paznajomić vučniaŭ małodšych kłasaŭ ź biełaruskimi piśmieńnikami, paetami i ich tvorami, zacikavić dziaciej rodnym słovam. Nastaŭnikami na takich urokach dla vučniaŭ 2-3 kłasaŭ vystupajuć viadomyja dziciačyja piśmieńniki i paety: Uładzimir Lipski, Raisa Baravikova, Alona Masła, Natalla Bučynskaja. Da kanca hoda prajekt «Čytajem pa-biełarusku z velcom» achopić usiu Biełaruś i ŭ ahulnaj kolkaści kala 20 000 vučniaŭ małodšych kłasaŭ.

«Tvory sučasnych biełaruskich aŭtaraŭ sapraŭdy vartyja taho, kab ich čytali i dzieci, i darosłyja — jak vartaja taho i biełaruskaja litaratura ŭvohule. Startam biełaruskamoŭnaha bukkrosinhu u prajekcie MOVABOCh my imkniemsia dapamahčy kniham pryjści da svajho čytača. Jašče adna naša meta — pakazać usiu raznastajnaść i šmathrannaść biełaruskaha litaraturnaha pracesu. U hetym možna pierakanacca navat na prykładzie ŭžo pradstaŭlenych u prajekcie tvoraŭ: ad trapnych nazirańniaŭ i razvah u farmacie minijaciury da vyraznych litaraturnych partretaŭ, ad zachaplalnaha histaryčnaha fentezi da sučasnaha realizmu. Spadziajomsia, što praź niekatory čas hetaja kalekcyja papoŭnicca nie mienš cikavymi ekziemplarami — mahčymaść zrabić svoj uniosak u raźvićcio prajekta maje kožny», — adznačyŭ Viačasłaŭ Smirnoŭ, kiraŭnik adździeła karparatyŭnych kamunikacyj kampanii velcom.

Pavialičyć

Zhodna praviłam bukkrosinhu, uziać adnu z prapanavanych arhanizatarami knih, kab pračytać i skłaści svajo ŭłasnaje mierkavańnie ab sučasnych tvorach biełaruskaj litaratury, moža kožny, chto maje adpaviednaje žadańnie. Pračytanyja knihi buduć viartacca ŭ MOVABOX, kab ź imi mahli paznajomicca i inšyja čytačy. Taksama ŭsie achvotnyja zaprašajucca dałučycca da bukrośsinhu i pakidać na śpiecyjalnych palicach knihi biełaruskich piśmieńnikaŭ na svoj ułasny hust.

Na palicach dla biełaruskamoŭnaha bukkrosinhu možna znajści nie tolki tvory mastackaj litaratury. Dla tych, chto choča palepšyć svoj uzrovień vałodańnia biełaruskaj movaj ci ŭziacca za jaje vyvučeńnie z samaha pačatku, arhanizatary dadali u śpis knih padručnik «Mova Nanova: 20 krokaŭ da biełaruskaj movy».

Uvohule da inicyjatyvy kampanii velcom dałučylisia 10 kaviarniaŭ u Minsku. Praź niekatory čas bukkrosinh ad MOVABOX pryjdzie ŭ inšyja harady Biełarusi.

Śpis minskich kaviarniaŭ z palicami dla bukkrosinhu MOVABOX ź biełaruskaj litaraturaj:

1. Halereja «Ŭ» (pr. Niezaležnaści, 37a)

2. Kaviarnia «26» (vuł. Śviardłova, 26)

3. Kaviarnia «Feelini» (vuł. Internacyjanalnaja, 36)

4. Kaviarnia «Dobry kut» (vuł. Rakaŭskaja, 20)

5. Kaviarnia «BUFFET» (vuł. Surhanava, 46)

6. Kaviarnia «Coffee & Kava» (pr. Niezaležnaści, 35)

7. Kaviarnia «DreamCafe» (vuł. Ja. Kołasa, 8)

8. Kaviarnia «Wake Up Coffee» (vuł. Viery Charužaj, 5)

9. Kaviarnia «KofieMołł» (vuł. Ramanaŭskaja Słabada, 7, pam. 2)

10. Kaviarnia «Utopija 60» (vuł. Lenina, 9)

• 0
• 0
• 0
• 0
• 0
• 0
• 0
• 0