Prezident ZŠA Barak Abama ŭchiliŭsia ad adkazu na pytańnie, ci hatovy jon pamiłavać byłoha supracoŭnika Ahienctva nacyjanalnaj biaśpieki Edvarda Snoŭdena, jaki raspavioŭ žurnalistam pra sakretnyja prahramach amierykanskich śpiecsłužbaŭ, paviedamlaje Bi-bi-si.
Adkazvajučy na pytańnie pra mahčymaść pamiłavańnia Snoŭdena, Abama skazaŭ: «Ja mahu pamiłavać čałavieka tolki paśla taho, jak amierykanski sud pryznaje jaho vinavatym». «Hetaje pytańnie budzie aktualnym tolki ŭ vypadku, kali Snoŭden vyrašyć paŭstać pierad sudom», — dadaŭ jon.
Pry hetym u intervju niamieckamu časopisu Spiegel i telekanału ARD Abama adznačyŭ, što ličyć šmat u čym abhruntavanym zaniepakojenaść, vykazanuju Snoŭdenam u dačynieńni da detalaŭ raskrytaj im sakretnaj prahramy. Na dumku amierykanskaha prezidenta, tajemnaje sačeńnie časam nieabchodnaja dla zabieśpiačeńnia biaśpieki amierykanskich hramadzian, ale ź inšaha boku padobnyja dziejańni dziaržavy ŭsio ž pavinny kantralavacca, kab paźbiehnuć pierahibaŭ.
Edvard Snoŭden, jaki supracoŭničaŭ u roznyja hady z CRU i ANB, u 2013 hodzie pieradaŭ žurnalistam sakretnyja dakumienty, jakija dakazvajuć fakt adsočvańnia śpiecsłužbami telefonnych zvankoŭ zvyčajnych hramadzian.
Hetyja ŭciečki pryviali da ŭskładnieńnia adnosinaŭ ZŠA ź jeŭrapiejskimi partniorami, u tym liku z Hiermanijaj. Snoŭdenu ŭdałosia ŭciačy ŭ Hanhkonh, a zatym u Rasiju, dzie jon atrymaŭ prytułak i pražyvaje dahetul.
U ZŠA Snoŭden aabvinavačvajuć u kradziažy dziaržaŭnaj majomaści, niezakonnym vykarystańni infarmacyi, jakaja tyčycca nacyjanalnaj abarony, a taksama ŭ naŭmysnym raspaŭsiudzie sakretnych źviestak.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii15
Kamientary