24 listapada palityki, dyplamaty, eksperty i hramadzkija aktyvisty ź Biełarusi, Niamieččyny i inšych eŭrapiejskich krain znoŭ sustrelisia na «Mienskim forumie». Kanferencyja, jakaja pravodzicca z 1997 hoda Niamiecka-biełaruskim tavarystvam, sioleta pryśviečana temie «Biełaru — Niamieččyna — EZ. Perspektyvy eŭrapiejskaha susiedztva i biaśpieki».
Forum pačaŭsia z presavaj kanferencyi ambasadara Niamieččyny ŭ Biełarusi Petera Detmara, staršyni «Mienskaha forumu» i Niamiecka-biełaruskaha tavarystva Rajnera Lindnera, staršyni Mienskaha mižnarodnaha adukacyjnaha centra (IBB) Macijasa Ciumpela i Jaŭhiena Prejhiermana, staršyni dyskusijna-analityčnaj supolnaści «Liberalny klub».
Rajner Lindner u svaim vystupie adznačyŭ:
«U «Mienskim forumie» voźmuć udzieł kala 200 udzielnikaŭ, balšynia ź ich ź Biełarusi. Zaplanavanaja praca troch sekcyj: źniešniaja palityka; ekanamičnyja reformy; hramadzianskaja supolnaść i rehijanalnaje raźvićcio. Šmatlikija pradstaŭniki dyplamatyčnaha korpusu ŭdzielničajuć u forumie.
Što źmianiłasia za 6 hadoŭ paśla apošniaha forumu ŭ Biełarusi? — voś što važna mienavita dla mianie. My praviali dva mierapryjemstvy za miežami Biełarusi, kab nie zabyvacca na forum. My naŭmysna pracujem pavodle pryncypu: nijakich zakrytych abmierkavańniaŭ, spadziajemsia, tak budzie i na hetym forumie».
Ambasadar Niamieččyny ŭ Biełarusi Peter Detmar skazaŭ, što papiaredni forum prachodziŭ u 2010 hodzie. Ale ŭ apošni čas prajšło zbližeńnie Biełarusi z Eŭraźviazam, stasunki palepšylisia.
«Nazva sioletniaha foruma — «Perspektyvy EZ i perspektyvy susiedztva z EZ». Vielmi važna, kab my nia tolki abmierkavali prablemy, a znajšli impulsy, kab my potym razam pracavali i razam žyli ŭ hetaj prastory. My pavinny vyznačyć vektar dobraha, plonnaha supracoŭnictva».
Na pytańnie žurnalistaŭ, ci ličyć ambasadar Niamieččyny, što sytuacyja z demakratyjaj za 6 hadoŭ, kali forum nie pravodziŭsia, palepšyłasia, spadar Detmar adkazaŭ tak:
«Rytaryčnaje pytańnie. I adna z pryčyn, čamu forum prypyniŭ pracu, była sytuacyja paśla prezydenckich vybaraŭ, parušeńni pravoŭ čałavieka, kali byli aryštavanyja viadučyja palityki, kali źjavilisia palitźniavolenyja. I my sa svajho boku nie mahli na heta nie adreahavać. Było važna zrabić peŭny znak.
Za apošnija 15 miesiacaŭ adbyłasia stanoŭčaja dynamika. Byli vyzvaleny palitźniavolenyja, havorka idzie i pra inšyja krytery, jakija byli vyznačany z boku Eŭrapiejskaha źviazu. Tamu, biezumoŭna, tut jość zruchi. Čaho ja nie skazaŭ, što jość fundamentalnyja źmieny va ŭnutrypalityčnych umovach. Biezumoŭna, kaniečnie, zbližeńnie ŭ adnosinach pamiž Mienskam i Bruselem — heta vidavočnaja padstava dla taho, kab forum adnaviŭ svaju pracu».
Na adkryćci forumu namieśnica ministra zamiežnych spraŭ Alena Kupčyna adznačyła, što za apošnija 6 hadoŭ, kali forum nie źbiraŭsia, mnohaje źmianiłasia, i ŭ Biełarusi, i ŭ śviecie:
«Forum — heta płošča ŭ Rymie, dzie tradycyjna adbyvałasia hramadzkaje, ekanamičnaje, palityčnaje žyćcio. «Mienski forum» — heta adkrytaja dyskusija. Niama lepšaj formy znosinaŭ, čym dyjaloh».
U pracy forumu biaruć udzieł niadaŭna pryznačany ambasadar Biełarusi ŭ Niamieččynie Dzianis Sidarenka, kiraŭnica pradstaŭnictva Eŭraźviazu ŭ Biełarusi Andrea Viktaryn, dyplamaty, palityki, deputaty Pałaty pradstaŭnikoŭ, eksperty, pradstaŭniki hramadzianskaj supolnaści.
-
«Hety chłopiec, vidać, padasłany — u jaho boty načyščanyja»: Sieviaryniec raskazaŭ historyju źjaŭleńnia Daškieviča ŭ «Maładym froncie»
-
«Ja ciapier całkam inšy čałaviek». Piśmieńnica Śviatłana Kurs pra rak i svaju fiłasofiju žyćcia
-
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak11
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary