30 tysiač čałaviek sabrałasia na viečarovuju imšu 1 lipienia pierad Budsłaŭskim kaściołam bernardynaŭ. Fota Julii Daraškievič.
Samaja vialikaja hrupa pilihrymaŭ — kala 1.500 čałaviek — prybyła ŭ sanktuaryj Maci Božaj Budsłaŭskaj ź Viciebskaj dyjacezii, paviedamiŭ BiełaPAN pres‑sakratar Biełaruskaj rymska‑katalickaj carkvy ksiondz Alaksandr Amialčenia. Aprača taho, pryjechała hrupa bajkieraŭ z Polščy, kab pamalicca za biełaruskich palakaŭ.
Jak zaznačyŭ ksiondz Alaksandr, u svajoj adoźvie da pilihrymaŭ mitrapalit Minska‑Mahiloŭski arcybiskup Tadevuš Kandrusievič zaklikaŭ udzielnikaŭ uračystaściej u Budsłavie malicca za vizit Bieniedykta XVI u Biełaruś.
Sioleta dla ŭdziełu ŭ tradycyjnym chramavym śviacie 1—2 lipienia, pryśviečanym 10‑hodździu karanacyi abraza Maci Božaj Budsłaŭskaj, zaprošany Tadevuš Kandrusievič, apostalski nuncyj arcybiskup Marcin Vidovič i ŭsie katalickija biskupy krainy, a taksama duchoŭnyja chory.
U prahramu śviata ŭklučany ŭračystyja imšy, Maryjnyja niašpary (prasłaŭleńni Isusa Chrysta i Maci Božaj, padčas jakich vykonvajucca psałmy), akafist, pakłanieńnie śviatym daram, pracesii i litanii da Maci Božaj. U śviacie biaruć udzieł taksama vierniki hreka‑katalickaj carkvy.
Udzielniki śviata buduć adznačać 10‑hodździe z dnia, kali kardynał Kazimir Śviontak karanavaŭ papskimi karonami abraz Maci Božaj Budsłaŭskaj, što źjaŭlajecca pryznańniem jaho cudatvornaści.
Dźmitryj Łukašenka choča pastavić pad kantrol usie mabilnyja telefony11
Kamientary