Pa voli niabožčyka, jaho cieła było kremiravana ŭ subotu ŭ prysutnaści vuzkaha koła asob, paviedamlaje TASS.
Žychary i hości vostrava Svabody z paniadziełka atrymajuć mahčymaść raźvitacca z histaryčnym lidaram Kubinskaj revalucyi Fidelem Kastra, jaki pajšoŭ z žyćcia ŭ minułuju piatnicu va ŭzroście 90 hadoŭ. Pa rašeńni śpiecyjalna sfarmavanaj kamisii Centralnaha kamiteta Kamunistyčnaj partyi Kuby i ŭrada pa arhanizacyi pachavańnia, u 09:00 (17:00 — Minsk) prach Kastra budzie vystaŭleny ŭ miemaryjalnym kompleksie imia Chase Marci na Płoščy revalucyi Havany.
Pa voli niabožčyka, jaho cieła było kremiravana ŭ subotu ŭ prysutnaści vuzkaha koła asob, havorycca ŭ paviedamleńni kałumbijskaha telekanała Caracol Television. Cyrymonija raźvitańnia budzie doŭžycca na praciahu ŭsiaho dnia da 22:00 i praciahniecca ŭ aŭtorak ad 09:00 da 12:00.
Akramia taho, 28 i 29 listapada ad 09:00 da 22:00 u śpiecyjalna adviedzienych miescach kožnaha kubinskaha horada, u tym liku i ŭ stalicy, usie žychary vyspy atrymajuć «mahčymaść addać pašanu i pakinuć svaje podpisy pad uračystaj klatvaj viernaści kancepcyi revalucyi», prapanavanaj histaryčnym lidaram. Apahiejem ušanavańnia niaźmiennaha na praciahu mnohich hadoŭ kiraŭnika dziaržavy ŭ aŭtorak u 19:00 stanie šmattysiačny mitynh na Płoščy revalucyi, na jakoj Fidel Kastra vymaviŭ mnohija sa svaich šmathadzinnych pramovaŭ.
Cyrymonija pachavańnia projdzie 4 śniežnia ŭ 07:00 pa miascovym časie na mohiłkach śviatoj Ifihienii horada, jaki nazyvajuć kałyskaj kubinskaj revalucyi. Akramia hetaha, 28 listapada i 4 śniežnia adnačasova ŭ pravincyjach Havana i Santjaha-de-Kuba z nahody ŭšanavańnia kamandante budzie praviedzieny 21 artyleryjski salut.
U krainie, pa ŭkazie Dziaržaŭnaha savieta Kuby, ad 26 listapada da 4 śniežnia idzie dzieviacidzionnaja nacyjanalnaja žałoba, padčas jakoj «admienieny hramadskija mierapryjemstvy i śpiektakli» i pryspuščany dziaržaŭnyja ściahi. U hety čas radyjo i telebačańnie vyspy tranślujuć infarmacyjnyja, patryjatyčnyja i histaryčnyja pieradačy.
Vajenny parad i narodnaje šeście z nahody 60-hodździa vysadki Fidela Kastra ź jachty «Hranma», jakaja pakłała pačatak baraćbie z Batystam, pieraniesieny z 2 śniežnia na 2 studzienia 2017 hoda.
Fidel: jak ultrarevalucyjaniery ŭrešcie pieratvarajucca ŭ vorahaŭ prahresu i mučycielaŭ narodu
Ciapier čytajuć
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?1
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary