Pavieł Jakubovič: Nichto nie maje prava abražać biełaruski narod i stavić pad sumnieŭ suverenitet Biełarusi
Hałoŭny redaktar haziety «SB. Biełaruś siehodnia» zajaviŭ pra heta padčas teleprahramy «Kłub redaktaraŭ» u efiry kanała «Biełaruś 1», kamientujučy zatrymańnie aŭtaraŭ šerahu infarmacyjnych resursaŭ za raspalvańnie mižnacyjanalnaj varožaści.
«Ciapier hetuju padzieju abmiarkoŭvajuć dosyć burna, — cytuje Paŭła Jakuboviča BiełTA. — Niekatoryja śćviardžajuć: nu ničoha, vykazali svajo mierkavańnie. Inšyja ž supraćpastaŭlajuć nastupny arhumient: možna krytykavać biełaruskija realii, biełaruskuju ŭładu, biełaruskija zvyčai. Naohuł, heta sprava cyvilizavanych ludziej, jakija zajmajucca žurnalistykaj u toj ci inšaj stupieni, navat pad psieŭdanimami. Ale nielha abražać narod, nielha zajmacca naviadzieńniem mižnacyjanalnaj varožaści, nielha stavić pad sumnieŭ suvierennaść Biełarusi».
Hałoŭny redaktar padkreśliŭ, što nichto nie maje prava raspaŭsiudžvać infarmacyju ab tym, što «Biełaruś — heta «niedanarod», «niedanacyja», «niedadziaržava», «niejkaja etničnaja hrupa ŭ składzie inšaha vialikaha naroda».
«Heta nie tolki niedarečna, ale i hniusna, abraźliva i, jak vyśviatlajecca, utrymlivaje skład złačynstva pa artykule 130 Kryminalnaha kodeksa», — dadaŭ jon.
Taksama Pavieł Jakubovič źviarnuŭ uvahu na toje, što zatrymańnie aŭtaraŭ za raspalvańnie mižnacyjanalnaj varažniečy — heta nie antyrasijski krok, a ŭnutranaja sprava Biełarusi. «My pastarajemsia nie dać nikomu mahčymaści «sutyknuć» našy narody», — reziumavaŭ jon.
-
«Hety chłopiec, vidać, padasłany — u jaho boty načyščanyja»: Sieviaryniec raskazaŭ historyju źjaŭleńnia Daškieviča ŭ «Maładym froncie»
-
«Ja ciapier całkam inšy čałaviek». Piśmieńnica Śviatłana Kurs pra rak i svaju fiłasofiju žyćcia
-
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda4
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary