U Litvie zajavili, što za kibieratakami na ŭradavyja kampjutary krainy, jakija adbyvalisia na praciahu dvuch apošnich hadoŭ, staić Rasija.
Pra heta zajaviŭ Reuters kiraŭnik litoŭskaha Centra kibierbiaśpieki Rymtautas Čarniauskas.
Pavodle jaho słoŭ, ad 2015 hoda było try vypadki vyjaŭleńnia rasijskaha špijonskaha prahramnaha zabieśpiačeńnia na ŭradavych kampjutarach, a ŭ 2016 hodzie adbyłosia 20 sprob zaražeńnia.
«Špijonskaje PZ, jakoje my znajšli, pracavała nie mienš za paŭhoda da taho, jak było vyjaŭlena, padobna na toje, jak heta było ŭ ZŠA», — adznačyŭ Čarniauskas.
Špijonskija prahramy pieranosili ŭsie dakumienty i paroli, uviedzienyja na veb-sajtach pa adrasach, jakija zvyčajna vykarystoŭvajucca rasijskimi śpiecsłužbami.
«Heta tolki paćviardžaje sproby praniknuć u našu palityčnuju śfieru», — skazaŭ Čarniauskas.
Litoŭskija słužbovyja asoby, kampjutary jakich zaražanyja rasijskim špijonskim PZ, zajmajuć siaredni i nizki ranh va ŭradzie, adnak praź ich PK prachodziŭ patok prajektaŭ uradavych rašeńniaŭ pa roznych pytańniach.
Kamientary