«Maleńki, chudzieńki, zusim jašče dzicia» — vynieśli pryhavor kiroŭcu, jaki naśmierć pierajechaŭ školnicu na ŭborcy bulby
Sud u Maładziečnie vynies rašeńnie 23 śniežnia. Pavodle jaho, Paŭłu Cybinu prysudzili adbyvać pakarańnie va ŭstanovie adkrytaha typu terminam na try hady. Taksama jon pazbaŭleny prava kiravać mašynaj na piać hadoŭ.
Ciapier mužčyna padpisaŭ padpisku ab niavyjeździe da momantu ŭstupleńnia pryhavoru ŭ siłu. Pa zakonie, na praciahu dziesiaci dzion jon maje prava abskardzić rašeńnie ŭ vyšejstajačym sudzie.
Paśla suda my pahavaryli z baćkami Viktoryi Papčeni.
— Usio ž taki mužčyna budzie mieć mahčymaść hadavać svajo dzicia paśla adbyvańnia pakarańnia, u nas takoj mahčymaści ŭžo niama, — adznačyła maci Julija Papčenia. — Tak, zrazumieła, što mnie jaho pa-maciarynsku škada: maleńki, chudzieńki, zusim jašče dzicia. Samaje składanaje nas čakaje napieradzie…
Nahadajem, što maci dziaŭčynki spadziavałasia na vysoki sud, ničoha nie asprečvała, nie patrabavała materyjalny isk.
Kamientary