Łukašenka: Biełaruś nie moža zastavacca ŭ baku ad trahičnych padziej u Rasii
Biełaruś nie moža zastavacca ŭ baku ad trahičnych padziej u Rasii. Ab hetym Alaksandr Łukašenka zajaviŭ 26 śniežnia ŭ Minsku.
«Učora ŭ Rasii zdaryłasia vialikaja trahiedyja. Na žal, hetaja čarada trahiedyj stała złym rokam nad našym brackim narodam: vielizarnaja kolkaść ludziej zahinuła ŭ Irkucku ŭ suviazi z atručvańniem, zabity pasoł Rasii ŭ Turcyi i zahinuła šmat ludziej u suviazi z krušeńniem vajskovaha samalota, u jakim znachodzilisia 92 čałavieki. Zahinuli nie tolki členy ekipaža, ale i viadomyja artysty, pradstaŭniki srodkaŭ masavaj infarmacyi, vajennyja ludzi, dziaržsłužačyja, doktar. Naturalna, my ŭ hety dzień nie mahli być u baku ad hetych trahičnych padziej», — padkreśliŭ Alaksandr Łukašenka.
Kiraŭnik krainy adznačyŭ, što ŭ znak salidarnaści z rasijskim narodam u krainie pryspuščanyja dziaržaŭnyja ściahi, admienienyja zabaŭlalnyja mierapryjemstvy.
«Našy ludzi aktyŭna adhuknulisia na heta hora, naviedaŭšy rasijskaje pasolstva. Ja dumaju, što patok ludziej nie pamienšycca, tamu paprašu, kab pravaachoŭnyja orhany pahladzieli za paradkam vakoł rasijskaha pasolstva, — źviarnuŭ uvahu Alaksandr Łukašenka. — Siońnia ŭ pasolstvie adkryta Kniha spačuvańniaŭ. Upeŭnieny, što našy dziaržaŭnyja słužačyja i inšyja ludzi adhuknucca i pabyvajuć tam».
Pamiać zahinułych u vyniku zhadanych trahiedyj u Rasii na naradzie z udziełam kiraŭnika dziaržavy ŭšanavali chvilinaj maŭčańnia.
Kamientary