Lidar francuzskaha «Nacyjanalnaha frontu» i kandydat u prezidenty krainy Maryn Lo Pen zajaviła, što ŭ vypadku jaje pieramohi na vybarach Francyja moža admovicca ad jeŭra i viarnucca da nacyjanalnaj valuty, paviedamlaje VVS.
Pa jaje słovach, krainam jeŭrazony varta viarnucca da sistemy valutnaha košyka EKIU, jakaja isnavała ŭ Jeŭrasajuzie da ŭviadzieńnia jeŭra.
«EKIU isnavała paralelna z nacyjanalnymi valutami… Isnavańnie nacyjanalnaj valuty paralelna z supolnaj valutaj nijak nie paŭpłyvaje na paŭsiadzionnaje žyćcio francuzaŭ», — patłumačyła Lo Pen.
Jak paviedamiŭ ekanamičny daradca Lo Pen, umovy viartańnia da nacyjanalnaj valuty — franka — buduć padrabiazna abmiarkoŭvacca ŭ vypadku pieramohi «Nacyjanalnaha frontu» na vybarach.
EKIU — valutnaja adzinka, jakaja vykarystoŭvałasia ŭ jeŭrapiejskaj valutnaj sistemie JEES i ES ŭ 1979—1998 hadach. Nazva «EKIU» pachodzić ad anhł. European Currency Unit («jeŭrapiejskaja valutnaja adzinka»), a taksama ad nazvy francuzskich maniet ekiu. 1 studzienia 1999 hoda EKIU była zamienienaja na jeŭra pa kursie 1:1.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary