Prarasijski aktyvist zajaviŭ, što kiroŭcu aŭtobusa «maładafrontaŭcaŭ» aštrafavali za bieł-čyrvona-bieły ściah. Ale heta nie tak
Arciom Ahafonaŭ, jaki raniej byŭ siabram Abjadnanaj hramadzianskaj partyi, a ciapier aktyŭničaje ŭ prarasijskich inicyjatyvach, raźmiaściŭ na svajoj staroncy ŭ Fejsbuku «pieramožny list» z Vałožynskaha RAUS. U paviedamleńni napisana, što kiroŭca firmy «Tranśfiłd» Viktar Brazoŭski aštrafavany za parušeńnie praviłaŭ darožnaha ruchu.
Firma «Tranśfiłd» udzielničała ŭ pieravozcy aktyvistaŭ «Maładoha frontu» u Słuck na mitynh, prymierkavany da ŭhodkaŭ Słuckaha paŭstańnia.
Jak vynikaje z adkazu milicyi, kiroŭca aštrafavany za parušeńnie častki 3 artykuła 194 PDR Biełarusi (zabarona na ŭdzieł u darožnym ruchu transpartnaha srodku z nalepkami).
Ahafonaŭ robić vysnovu, što Vałožynski RAUS adreahavaŭ na bieł-čyrvona-bieły ściažok u sałonie.
Ale heta nie tak. Jak patłumačyŭ lidar «maładafrontaŭcaŭ» Źmicier Daškievič, kiroŭcu aštrafavali na pałovu bazavaj vieličyni za niesankcyjanavanuju rekłamu z numaram telefona na borcie aŭtobusa. Ciapier nadpis uzhodnieny, tamu Viktar Brazoŭski moža i nadalej akazvać transpartnyja pasłuhi.
A ściažok prosta znachodziŭsia ŭ sałonie, a nie byŭ prymacavany da škła.
Kamientary