Try partyi ŭ isłandskim parłamiencie abjadnalisia ŭ kaalicyju. Partyja niezaležnaści, «Adradžeńnie» i «Śvietłaja budučynia» sfarmirujuć urad. Na traich u hetych partyj 32 z 63 miescaŭ u parłamiencie. Hetaha ledź chapaje dla kaalicyi.
Partyja «Adradžeńnie» paśla vybaraŭ admaŭlałasia ŭstupać u kaalicyju z Partyjaj niezaležnaści. Jak adznačaje Iceland Magazine, dziŭna vyhladaje i rašeńnie lidara «Śvietłaj budučyni», byłoha rok-muzykanta Oŭtara Prapje. Jon rodam z «Lepšaj partyi», jakaja vyjhrała ŭ 2010 hodzie vybary ŭ parłamient Rejkjavika. Hetaja partyja paźbiahała ułady i zavajavała pieramohu na supraćpastaŭleńni elicie.
Partyi bolš za dva miesiacy damaŭlalisia ab kaalicyi. Isłandcy vybrali parłamient 29 kastryčnika 2016 hoda. Deputatami stali pradstaŭniki siami partyj. Hałasy vybarščykaŭ raźmierkavalisia tak, što ŭ kaalicyju pavinny ŭvajści nie mienš za try palityčnyja siły. Deputataŭ levych partyj nie chapiła dla stvareńnia ŭrada.
Pirackaja partyja, jakaja zaniała druhoje miesca, u vyniku zastałasia ŭ apazicyi.
Premjer-ministram Isłandyi stanie lidar Partyi niezaležnaści Bjarni Bieniedyktsan. U minułym uradzie jon byŭ ministram finansaŭ. U krasaviku 2016 hoda z «Panamskaha archiva» stała viadoma, što raniej palityk vałodaŭ dolaj u afšornaj kampanii, i jana nie była zadekłaravana. Bieniedyktsan admoviŭsia syści ŭ adstaŭku. Jak pakazvali apytańni taho času, dźvie traciny isłandcaŭ chacieli zvalnieńnia palityka.
Novy ŭrad paprosić parłamient prahałasavać za praviadzieńnie refierendumu ab ustupleńni ŭ ES. Partyja niezaležnaści suprać dałučeńnia; jaje kalehi pa kaalicyi — za.
Isłandyja — adzinaja kraina ŭ śviecie, dzie mocnaja Pirackaja partyja. U jaje dziesiać miescaŭ u parłamiencie. «Piraty» vystupajuć za novuju kanstytucyju, jakuju pavinny skłaści sami hramadzianie, lehalizacyju narkotykaŭ i parnahrafii. Jašče jany majuć namier damahčysia prytułku dla Edvarda Snoŭdena.
-
Bienhalskija ahni na šampanskim stali pryčynaj pažaru ŭ bary ŭ Šviejcaryi, dzie zahinuli 40 čałaviek
-
Kirujučaja partyja Hiermanii choča vysyłać siryjcaŭ, jakija biehli ad hramadzianskaj vajny, nazad na radzimu — navat rehularnymi rejsami
-
Jeŭrakamisija pačała rasśledavańnie z-za tyktokaŭ, stvoranych z dapamohaj štučnaha intelektu, jakija zaklikajuć da vychadu Polščy ź ES
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary