Były premjer-ministr Biełarusi, a ciapier siabra Kalehii (ministr) pa pramysłovaści i ahrapramysłovym kompleksie Jeŭrazijskaj ekanamičnaj kamisii (JEEK) Siarhiej Sidorski asudziŭ dziejańni Raśsielhasnahladu ŭ dačynieńni da biełaruskich praduktaŭ charčavańnia. Pra heta havorycca ŭ paviedamleńni pres-słužby JEEK.
JEEK u ramkach svaich paŭnamoctvaŭ pryniała asnoŭnyja nieabchodnyja dakumienty pa pytańniach vieterynarna-sanitarnaha kantrolu pradukcyi žyviolnaha pachodžańnia zhodna z Dahavoram ab Jeŭrazijskim ekanamičnym sajuzie (JEAES).
Sistemy vieterynarna-sanitarnaha kantrolu Armienii, Biełarusi, Kazachstana i Rasii pryznanyja ekvivalentnymi adna adnoj, ličać u JEEK. Usie dziejańni ŭpaŭnavažanych orhanaŭ bakoŭ u halinie vieterynarnaha kantrolu (nahladu) rehłamientavanyja rašeńniem Kamisii Mytnaha sajuza ad 18 červienia 2010 h. № 317, zychodziačy ź jakoha vieterynarny kantrol i nahlad u častcy hatovaj žyviołahadoŭčaj pradukcyi ažyćciaŭlajecca tolki ŭ dačynieńni da epizaatyčnaha pakazčyka.
Raniej Fiederalnaja słužba pa vieterynarnym i fitasanitarnym nahladzie RF (Raśsielhasnahlad) abmiežavała pastaŭki ŭ Rasiju pradukcyi žyviolnaha pachodžańnia pradpryjemstvaŭ Biełarusi. Viedamstva ličyć, što pradukcyja, vyrablenaja ŭ krainie, nie adpaviadaje patrabavańniam techničnych rehłamientaŭ JEAES.
Pa słovach siabra Kalehii (ministra) pa pramysłovaści i ahrapramysłovym kompleksie JEEK Siarhieja Sidorskaha, vyjaŭleńnie parušeńniaŭ, nie źviazanych ź vieterynarnymi ryzykami, nie pavinna źjaŭlacca padstavaj dla ŭviadzieńnia vieterynarnych mier pa abmiežavańni pastavak pradukcyi biełaruskich pradpryjemstvaŭ.
Pa vynikach rabočaj sustrečy z udziełam supracoŭnikaŭ profilnych departamientaŭ JEEK pa ŭrehulavańni pytańniaŭ pastavak biełaruskaj pradukcyi na rynak RF, jakija byli zafiksavanyja ŭ pratakole ad 19-21 śniežnia 2016 hoda, pradstaŭniki Raśsielhasnahladu, Minsielhasa Rasii i Minsielhascharča Biełarusi damovilisia ab mierach pa vyrašeńni situacyi ŭ trochdzionny termin, jakija byli zafiksavanyja ŭ pratakole, havorycca ŭ paviedamleńni.
U ramkach damoŭlenaściaŭ biełaruski bok pradstaviŭ Raśsielhasnahladu i Jeŭrazijskaj ekanamičnaj kamisii nieabchodnyja materyjały rasśledavańniaŭ paznačanych niedachopaŭ, a taksama spravazdačy ab pryniatych mierach pa ich likvidacyi: akty rasśledavańnia, vyniki adboru probaŭ, pratakoły łabaratornych vyprabavańniaŭ, fota i inšyja materyjały, a taksama spravazdačy ab pryniatych mierach pa ich likvidacyi.
«Liču, što dakumienty ŭ poŭnaj miery adkazvajuć na pastaŭlenyja pytańni, adnak praktyčnych krokaŭ z boku Raśsielhasnahladu pa źniaćci abmiežavańniaŭ nie prymajecca, — zajaviŭ Siarhiej Sidorski. — U suviazi z adsutnaściu ŭ JEEK miechanizmaŭ upłyvu na nacyjanalnyja orhany dziaržaŭnaj ułady Respublika Biełaruś maje prava źviarnucca ŭ Sud Jeŭrazijskaha ekanamičnaha sajuza dla kančatkovaha vyrašeńnia dadzienaha pytańnia».
Nahadajem, kiraŭnik Raśsielhasnahladu Siarhiej Dankviert abvinavaciŭ Biełaruś u tym, što kraina aktyŭna karystajecca situacyjaj, kali rasijski rynak začynili dla pastavak ź ES, Ukrainy, i viadzie siabie pry hetym niadobrasumlenna. Ahučanyja im pretenzii tyčylisia nie tolki reekspartu sankcyjnaj pradukcyi, ale i jakaści biełaruskaha małaka.
U adkaz na heta Alaksandr Łukašenka rezka raskrytykavaŭ kiraŭnika rasijskaha viedamstva i papraknuŭ urad u tym, što jano zachoŭvaje maŭčańnie ŭ adkaz na niespraviadlivyja abvinavačvańni. U palemiku paśpiašalisia ŭstupić biełaruskija čynoŭniki i presa.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary