U Biełaruś da siaredziny nastupnaha tydnia viernucca marazy, paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody Dźmitryj Rabaŭ.
«Na Taćcianin dzień (25 studzienia) marazy viernucca. A pakul nas čakaje źmienlivaje nadvorje. U noč na 22 studzienia padmarozić da minus 1-7 hradusaŭ, tamu na darohach čakajecca hałalodzica. Dniom budzie ad minus 3 da plus 2 hradusaŭ. U asobnych rajonach krainy mahčymy nievialikija apadki (śnieh, mokry śnieh, udzień z daždžom), tuman, słaby hałalod», — raskazaŭ Dźmitryj Rabaŭ.
U pačatku nastupnaha tydnia nadvorje istotna nie źmienicca, pa-raniejšamu budzie syra i vietrana.
A ź sierady ŭ atmaśfiery sfarmirujecca mahutny paŭnočny patok. Jon vyznačyć chutkuju źmienu raznarodnych pavietranych mas, i Biełaruś nakryje bolš chałodnaje pavietra. Tak, 25 studzienia na praciahu sutak tempieratura składzie 1-8 hradusaŭ marozu, unačy pa poŭnačy pry prajaśnieńniach — minus 9-11 hradusaŭ. Nočču na bolšaj častcy terytoryi, dniom u asobnych rajonach, pieravažna pa paŭdniovym uschodzie krainy, čakajecca karotkačasovy śnieh. Na asobnych učastkach daroh mahčyma hałalodzica. 26 studzienia marazy ŭzmocniacca. Na praciahu sutak tempieratura pavietra składzie minus 8-15 hradusaŭ, pa zachadzie — 3-7 hradusaŭ marozu. Nočču pry prajaśnieńniach budzie ad minus 16 da minus 20 hradusaŭ. U asobnych rajonach krainy mahčymy karotkačasovy śnieh, na darohach čakajecca hałalodzica.
Kamientary