Sudovaja vykanaŭca napisała zajavu ŭ DAI, što Daškievič pierajechaŭ joj nahu
Lidar «maładafrontaŭcaŭ» Źmicier Daškievič paviedamiŭ, što jaho vinavaciać u ździajśnieńni DTZ. Paciarpiełaja — sudovy vykanaŭca Ludmiła Kłyha, na jakuju nibyta najechaŭ aŭtamabil.
Incydent nibyta zdaryŭsia padčas sproby kanfiskavać mašynu Daškieviča.
Nahadajem, što ŭ lidara «maładafrontaŭcaŭ» zabrali aŭtamabil u lik niaspłačanych štrafaŭ za ŭdzieł u niesankcyjanavanych akcyjach.
«Mašyny akazałasia mała, buduć zabirać i pravy. Učora pad noč Ludmiła Kłyha vyrašyła, što joj balić naha i źviarnułasia da lekaraŭ, jakija vyznačyli «ušyb». Ciapier toj ža DAIšnik, jaki ŭčora kazaŭ, što niama padstaŭ dla adminspravy pa DTZ i namiakaŭ prystavam, što, kidajučysia na mašynu, jany stvarali sami avaryjnuju situacyju, — siońnia jon ža afarmlaje DTZ z paciarpiełaj Kłyhaj. Ź inšaha boku, jak niama mašyny, to na jakuju chaleru i pravy — usio łahična! Ale baraćba praciahvajecca — pryjdzie dzień, i ŭsio vierniem! Na dniach, a toje i raniej navat! Žyvie!», — napisaŭ Źmicier u svaim fejsbuku.
U kamientary «NN» Źmicier adznačyŭ, što naŭmysna ni na koha nie najazdžaŭ: «Moža, jana i sapraŭdy była zakranutaja, ale ja jechaŭ vielmi aściarožna, a jany kidalisia na mašynu. Jana sapraŭdy ŭ niejki momant pisknuła, i ja adrazu spyniŭsia. Ale jana ci to paśliznułasia, ci to padsunuła sama nahu — ja nie zrazumieŭ».
«Učora supracoŭnik DAI supakojvaŭ spadaryniu Kłyhu, maŭlaŭ, niama padstavy dla afarmleńnia DTZ, a ŭžo siońnia paviedamiŭ mnie, što spadarynia Kłyha źviarnułasia ŭ 19-ju palikliniku, i tam joj vyznačyli paškodžańnie. Jana ŭčora narmalna pierasoŭvałasia, a siońnia ŭžo źviarnułasia ŭ DAI z paškodžańniem».
Apisanaja Daškievičam situacyja moža traktavacca ŭ DAI jak «stvareńnie avaryjnaj situacyi». Za jaho mahčymaje pazbaŭleńnie paśviedčańnia kiroŭcy až da dvuch hadoŭ.
Na dumku Daškieviča, chutčej za ŭsio jaho pazbaviać pravoŭ. Zaraz budzie praviedzienaja ekśpiertyza, z dapamohaj jakoj vyznačycca ŭzrovień cialesnaha paškodžańnia paciarpiełaj Kłyhi. Na ciapierašni momant Źmicier atrymaŭ pozvu ŭ Pieršamajski RAUS na 30 studzienia.
Kamientary