Deputat Dziarždumy ad «Adzinaj Rasii» Jaŭhien Fiodaraŭ nakiravaŭ zapyt lidaru Biełarusi, kiraŭniku Nacyjanalnaha alimpijskaha kamiteta krainy Alaksandru Łukašenku z prośbaj pačać papiarednija kansultacyi ab mahčymaści vystupaŭ rasijskich lohkaatletaŭ pad ściaham Biełarusi na mižnarodnych spabornictvach, paviedamlaje RIAN.
Jak adznačajecca ŭ zapycie, rada Mižnarodnaj asacyjacyi lohkaatletyčnych fiederacyj (IAAF) zabaraniła rasijskim lohkaatletam vystupać na mižnarodnych spabornictvach pad rasijskim ściaham. Adnak IAAF pakinuŭ za spartsmienami, nie zamiešanymi ŭ dopinhavym skandale, prava na vystup na mižnarodnych spabornictvach, ale nie pad ściaham Rasii.
«Prymajučy pad uvahu dziejny status Sajuznaj dziaržavy Rasii i Biełarusi, prašu Vas pačać papiarednija kansultacyi ab mahčymaści vystupu rasijskich lohkaatletaŭ na mižnarodnych spabornictvach pad ściaham Respubliki Biełaruś da momantu źniaćcia vyšejpakazanaj zabarony Mižnarodnaj asacyjacyi lohkaatletyčnych fiederacyj», — havorycca ŭ dakumiencie.
Jak paviedamiŭ kiraŭnik biełaruskaj fiederacyi lohkaj atletyki, deputat parłamienta Vadzim Dzieviatoŭski, dla vystupu rasijskich lohkaatletaŭ pad ściaham Biełarusi raniej, čym praz dva hady, patrebnaja zhoda IAAF i Usierasijskaj fiederacyi lohkaj atletyki (UFŁA).
«U pryncypie, takoje mahčyma ŭ vypadku atrymańnia hramadzianstva. Ale standartny «karancin», kali spartsmien nie moža vystupać, doŭžycca dva hady», — raspavioŭ jon.
Pry hetym Dzieviatoŭski udakładniŭ, što isnuje mahčymaść pamianšeńnia terminu «karancinu», ale dla hetaha treba rašeńnie IAAF, a taksama zhoda fiederacyi krainy, za jakuju spartsmien vystupaŭ da hetaha — u dadzienym vypadku UFŁA.
-
U Turcyi padčas futbolnaha matča miač trapiŭ u čajku. Ale zahinuć ptušcy nie dali
-
Śpiecpradstaŭnik Pucina pra finał Alimpijady: Zbornaja ZŠA pieramahła svoj budučy 52‑i štat. Adzin z apošnich chakiejnych matčaŭ pamiž ZŠA i Kanadaj
-
Lebron Džejms pieršym u historyi NBA nabraŭ 43 000 bałaŭ u rehularnych čempijanatach
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Kamientary