Akcyja pačniecca pierad uvachodam u park z vulicy Majakoŭskaha u 20:00
Jak paviedamlała Naša Niva, adziny ŭ Miensku zialony park biez atrakcyjonaŭ źbirajucca pierabudavać.
Kažuć, što čynoŭnicki zahad raspaŭsiudžvajecca na 10 hiektaraŭ terytoryi. Landšaft źmienicca całkam, ad vialikaha pładovaha sadu zastaniecca tolki kavałačak. U Łošyckim parku buldozery valać drevy i vyrazajuć uradlivy hrunt. Na procilehłym baku ziemlaryjnaja technika zasypaje były staŭ — zaprudu na rečcy.
18 lipienia mienskaja mastačka, błohierka Nika Sandros vystupiła ź inicyjatyvaj pravieści akcyju la parkavaj bramy.
«Isnuje mierkavańnie, što kali Łošycki park budzie restaŭravacca hetkim ža čynam, jak ciapier restaŭrujecca voziera, jon budzie stračany nazaŭždy», — niepakoicca Nika Sandros.
«Ja dumaju, što słušnuju dapamohu ŭ vyratavańni Łošyckaj siadziby moža akazać luby čałaviek, budź jon z BNF albo BRSM», — piša Nika Sandros.
Pryhetym palityčnyja lozunhi, plakaty i ściahi luboha koleru padčas akcyi błohierka budzie rasceńvać jak pravakacyju.
«Ja vieru, što paśla sioniašniaje sustrečy źjavicca hrupa niezaležnych i adekvatnych ludziej, hatovych vydatkoŭvać svoj čas na vyratavańnie parku», — kaža Nika Sandros.
Ciapier čytajuć
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 20263
Kamientary