Łaŭreat Nacyjanalnaj litaraturnaj premii Biełarusi: «Zachad zrabiŭ staŭku na ukrarejch. Nacyjanalizm — psichičnaje zachvorvańnie»

44-hadovy piśmieńnik ź Biełarusi Siarhiej Klimkovič daŭ intervju infarmacyjnamu ahienctvu «Łuhansk-1». Havorka, viadoma ž, pajšła pra situacyju va Ukrainie.

Pavialičyć

«Ja pamiataju časy, kali my śmiajalisia z «hłobusa Ukrainy». Zdajecca, heta była infarmacyja, dzie havaryłasia ab vypuščanym hłobusie, na jakim paznačana tolki Ukraina i ničoha bolš. Tady heta zdavałasia dzivakavatym kapryzam ukraincaŭ, padletkavaj svavolstvam maładoj dziaržavy.

A na samaj spravie ŭ hetym «hłobusie Ukrainy» užo chavalisia ziernie ciapierašniaj ukrainskaj katastrofy. Adtul rastuć nohi isteryčna-samazakachanaha łozunhu «Ukraina ponad use!» Jany ciapier harłapaniać heta «ponad use» tak, byccam ad hetaha zaležyć ich žyćcio», — ź miesca ŭ karjer rvanuŭ Klimkovič.

Piśmieńnik ličyć ciapierašniuju ŭkrainskuju ŭładu nacysckaj i nie asabliva padbiraje vyrazy, kali pra jaje havoryć.

«Nacyjanalizm — adna z formaŭ psichičnaha zachvorvańnia. Ja ŭpeŭnieny ŭ hetym. Ličyć siabie «ponad use» — heta naohuł manija vieličy. Nacyjanalizm vyniščajecca tolki samymi radykalnymi mierami, jak pustazielle».

Pry hetym Klimkovič sprabuje pierakanać, što «Ukraina — heta nie tolki banderaŭcy-nacyjanalisty», a jość jašče «narmalnyja» ludzi, jakija, praŭda, nie mohuć ničoha zrabić.

«Zanadta surjoznuju staŭku Zachad zrabiŭ na ukrarejch. Mienavita na ukrarejch, a nie na Ukrainu. Kazaŭ i paŭtaraju: hnijeńnie Ukrainy ŭ intaresach ZŠA i ŭ cełym Zachadu. Heta hnijeńnie asłablaje Rasiju, asłablaje jaje pazicyi, tamu što pry hramadzianskaj vajnie na miežach Rasiei možna kazać pra Rasieju usiakuju łuchtu, nieści lubuju jeraś, publikavać luboje rusafobskaje tryźnieńnie, a zachodni abyvaciel budzie vieryć», — pierakanany Klimkovič.

«Rasieja vymušanaja budzie marnavać resursy nie tolki materyjalnyja, ale i reputacyjnyja, kab padtrymlivać na płavu skažony paŭtrup «siastry». Mahčyma, kamuści heta nie padabajecca, ale tak budzie, tamu što ŭ hetym sutnaść ruskich i Rasii. Darečy, hatoŭnaść viarnucca da raniejšych adnosinaŭ niaźmienna padkreślivaŭ sam Pucin», — voś tak, vychodzić Rasija tolki dapamahaje Ukrainie ŭ składanych momantach.

Siarhiej Klimkovič — pachodzić z Barysava. Jon z tych samych Klimkovičaŭ, čyj prodak napisaŭ słovy da himna BSSR. Siarhiej Klimkovič doŭhi čas słužyŭ u biełaruskim vojsku na techničnych pasadach. Pracavaŭ dla vydańniaŭ «Armija», «Vo słavu Rodiny». U 2005 hodzie pryniaty ŭ čarhincoŭski Sajuz piśmieńnikaŭ.

U 2016 hodzie Siarhiej Klimkovič atrymaŭ dziaržaŭnuju Litaraturnuju nacyjanalnuju premiju ŭ naminacyi debiut za knihu «Tajny kvatery №8».

• 0
• 0
• 0
• 0
• 0
• 0
• 0
• 0