U Aŭstralii vyratavali dzicia, jakoje ŭkusiŭ samy jadavity pavuk u śviecie
10-hadovy aŭstralijski chłopčyk vyžyŭ paśla taho, jak jaho ŭkusiŭ samy jadavity ŭ śviecie pavuk, paviedamlaje VVS.
Kab vyratavać dzicia, lekary zrabili jamu 12 injekcyj procijadździa. Jak miarkujecca, heta stała samaj vialikaj dozaj procijadździa, jakaja kali-niebudź vykarystoŭvałasia dla vyratavańnia pacyjentaŭ u Aŭstralii.
Mećju Mitčeła ŭkusiŭ ŭ palec śmiarotna jadavity sidniejski varonkavy pavuk, kali dzicia dapamahaŭ baćku navodzić paradak u haražy.
Paśla ŭkusu ŭ Mećju pačalisia kanvulsii, z rota pajšła piena.
«Pavuk ŭčapiŭsia usimi svaimi łapami ŭ moj palec, i ja nie moh adarvać jaho», — raspavioŭ Mećju haziecie Australian Daily Telegraph.
Baćki chłopčyka pieraciahnuli palec dziciaci kašulaj, kab abmiežavać raspaŭsiudžvańnie jadu z kryvioju.
Jak piša vydańnie, doza procijadździa, jakuju ŭviali chłopčyku, u try razy pieravyšała maksimalnuju dozu, uviedzienuju inšym pacyjentam, čyjo lačeńnie taksama prajšło paśpiachova i jany byli vyratavanyja.
Pavuka, jaki ŭdžaliŭ Mećju, złavili i źmiaścili ŭ Aŭstralijski park reptylij, dzie ź jaho budzie vydaleny ŭvieś jad.
Dla jadavitych varonkavych pavukoŭ u Aŭstralii luty i sakavik — pieryjad razmnažeńnia, i ŭ hety čas samcy hetaha vidu byvajuć asabliva ahresiŭnyja.
Ličycca, što sidniejski varonkavy pavuk — samy niebiaśpiečny ŭ śviecie. U Aŭstralii było zarehistravana 13 śmierciaŭ ad ukusaŭ hetych pavukoŭ.
Procijadździe ad ich jadu było stvoranaje ŭ 1980 hodzie, tamu z taho momantu vypadkaŭ sa śmiarotnym zychodam bolš nie było.
Sidniejski varonkavy pavuk žyvie ŭ lasach na terytoryi štata Kvinślend.
Kamientary