Stvaralniki dysnejeŭskaha mastackaha filma «Pryhažunia i pačvara», jaki vychodzić na ekrany praz dva tydni, paviedamili, što adzin ź piersanažaŭ mužčynskaha połu adčuvaje mocnyja pačućci da hałoŭnaha antahanista Hastona, piša VVS.
Takim čynam, luboŭnaja scena piersanaža Lefu i Hastona stanie pieršym źjaŭleńniem adnapołych adnosin u karcinach studyi Uołta Dyśnieja.
Trejler novaj ekranizacyi kłasičnaj kazki byŭ vypuščany ŭ kancy minułaha hoda. Tolki za pieršyja sutki jaho pahladzieli bolš za 130 tysiač razoŭ.
Zhodna ź siužetam, Lefu (čyjo imia pierakładajecca z francuzskaha jak «varjat») — ščyry siabar Hastona, jaki ŭ niejki momant pačynaje chacieć jaho. Rolu Lefu vykanaŭ amierykanski akcior Džoš Hed.
Režysior Bił Kondan skazaŭ brytanskamu časopisu Attitude, što rola Lefu stanie praryŭnoj z punktu hledžańnia aśviatleńnia ŁHBT-supolnaści ŭ filmie kinastudyi, tradycyjna aryjentavanaj na dziciačuju i siamiejnuju aŭdytoryju.
«[Hety hieroj] tolki pačynaje razumieć svaje pačućci. I Džoš syhraŭ jaho vielmi tonka i dalikatna. U kancy filma hetym pačućciam budzie dadzieny adkaz, ale ja nie chaču rujnavać intryhu», — adznačyŭ Kondan.
Met Kiejn — vypuskajučy redaktar Attitude — vykazaŭ aptymizm u suviazi z takim siužetnym pavarotam u stužcy.
«Heta krok u pravilnym kirunku, i ja apładziruju «Dyśnieju» za toje, što jamu chapiła śmiełaści. Spadziajusia, heta dapamoža źmianić nastroj hramadstva i spryjać sacyjalnamu prahresu», — skazaŭ Kiejn.
U roli pryhažuni vystupaje Ema Uotsan. Jana nie raz kazała, što chacieła b pakazać pryhažuniu bolš fieministyčnaj hierainiaj, čym heta było pryniata ŭ kłasičnych ekranizacyjach kazki.
Praktyčna poŭnaja adsutnaść ŁHBT-piersanažaŭ i luboŭnych linij u kinastužkach «Dyśnieja» stanaviłasia padstavaj dla krytyki z boku aktyvistaŭ hiej-ruchu. Pry hetym, naprykład, u suśviecie komiksaŭ Marvel, i ich ekranizacyj ŁHBT-piersanažy sustrakajucca rehularna.
Pravaabarončyja arhanizacyi praviarajuć filmy testam imia Vita Ruso — suzasnavalnika GLAAD i zmahara za hramadzianskija pravy.
Pa ŭmovach testu, u filmie pavinien prysutničać ŁHBT-piersanaž, čyja seksualnaść nie pavinna być jaho adzinaj jakaściu i čyjo źniknieńnie sa scenara adbiłasia b na siužecie karciny.
Pavodle danych minułaha hoda, z usich bujnych amierykanskich kinastudyj najbolš zdavalniajučy vynik pakazała Lionsgate, u toj čas jak Disney całkam pravaliŭ test.
U mai minułaha hoda tysiačy internet-karystalnikaŭ padtrymali prapanovu 17-hadovaj Isabel Mankady ab tym, kab u hieraini Elzy z dysnejeŭskaha paŭnamietražnaha sikvieła «Chałodnaha serca» źjaviłasia dziaŭčyna.
Kamientary