Byłyja supracoŭniki kampanii Google zajavili pra svoj namier zapuścić novuju systemu internet‑pošuku. Jana maje być ekanamičniejšaj za Google.
Byłyja supracoŭniki kampanii Google zajavili pra svoj namier zapuścić novuju systemu internet‑pošuku. Jana maje być ekanamičniejšaj za Google.
Aproč taho, novy pašukovik stanie vykarystoŭvać semantyčny padychod da zapytaŭ, a heta značyć, što j vyniki pošuku ŭ im buduć dakładniejšymi.
Nazva novaha pašukovika hučyć jak Cuil. Jaho sajt pačaŭ pracavać ad paniadziełka.
Pakul systema achoplivaje anhłamoŭny sehment internetu, ale da kanca hodu abiacaje prapanavać pošuk na asnoŭnych eŭrapiejskich movach.
Hałoŭnaja asablivaść novaha pošuku palahaje ŭ technalohii šukańnia j sposabie apracoŭki zapytaŭ naviednikaŭ. Zamiest pošuku hiperspasyłak i vyvučeńnia trafiku Cuil analizuje źmiest zapytu j kantekst kožnaj staronki. Paśla hetaha jon abjadnoŭvaje vyniki pošuku ŭ hrupy ŭzajemaźviazanych staronak, jakija zatym składaje pa katehoryjach i prapanuje raznastajnyja prykmiety dla taho, kab arhanizavać materyjał, vyłučyć temy j dazvolić karystalniku zvuzić pošuk.
Razam z tym kampanija prykłała niemałyja namahańni, kab zrabić maksymalna tańniejšymi darahija technalohii. Da prykładu, Google vydatkoŭvaje miljard dalaraŭ u hod na raźvićcio infrastruktury. Cuil ža praindeksavaŭ 120 miljardaŭ sajtaŭ, vydatkavaŭšy na heta ŭsiaho 5 miljonaŭ dalaraŭ. Pry hetym systema zrabiła pracy ŭtraja bolej ad Google'a.
Raspracoŭščykami j kiraŭnikami prajektu stalisia byłyja rabotniki Google Tom Kasteła dy jahonaja žonka Hanna Patersan. Ichnymi partnerami ŭ Cuil stali byłyja kalehi pa Google'u — Raseł Paŭer i Łui Mańje.
«Apošnija piatnaccać hadoŭ raźvićcio internetu išło ŭ heametryčnaj prahresii, ale nivodny pašukovik nia moh paśpieć za jahonymi tempami. Da apošniaha momantu. Cuil zdolny adšukać tak šmat staronak u Siecivie, jak nichto inšy. Jon pracuje jak try Google'y ci dziesiać Majkrasoftaŭ», paviedamlajuć stvaralniki sajtu.
Jany pierakananyja, što ich tvareńnie moža stać samaj bujnoj pašukovaj systemaj u śviecie. Nieŭzabavie vyniki apracoŭki zapytaŭ budzie supravadžać reklama, na jakoj Cuil źbirajecca zarablać.
Varta adznačyć, što niahledziačy na hučnyja zajavy j vialikija ambicyi raspracoŭščykaŭ novaj systemy, eksperty pastavilisia da jejnaha źjaŭleńnia chaładnavata.
«Satrapy časta ahučvajuć hučnyja plany pa najchutčejšym zavajavańni maksymalnaj doli rynku. Niaredka heta ničym nie zakančvajecca, časam prajekty, jakija dakazali svaju žyćciazdolnaść, kuplajuć užo isnyja hulcy. Internet‑karystalniki ŭvohule vielmi kanservatyŭnyja, rynak pošuku ŭ ZŠA davoli kankurentny. Tamu Cuil nieabchodnyja vielmi surjoznyja ŭkładańni — jak finansavyja, tak i časavyja, — kab sapraŭdy danieści infarmacyju pra siabie j svoj jakasny pošuk (kali jon nie padasca takim naviednikam) da karystalnikaŭ, kab zaniać choć jakuju zaŭvažnuju dolu rynku, — paviedamiła karespandentu hazety «Vzhlad» vice‑prezydentka j dyrektarka pa markietynhu dy pi‑aru Mail.ru Hanna Artamonava.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary