Mintrans Biełarusi pastanaviŭ z 15 sakavika pa 25 krasavika 2017 hoda na respublikanskich darohach Biełarusi ŭvieści abmiežavańni transpartnych nahruzak u miežach ad 6 da 9 ton na adzinočnuju voś. Taksama ŭstanaŭlivajucca abmiežavańni, jakija ŭvodziacca na letni pieryjad: z 23 maja pa 31 žniŭnia 2017 hoda.
«Pieralik daroh z abmiežavańniami dapuščalnych nahruzak składzieny pa vynikach dyjahnostyki. Heta aznačaje, što kankretnyja abmiežavańni ŭvodziacca na peŭnych učastkach daroh u adpaviednaści ź ich aktualnym stanam, — paviedamili ŭ pres-słužbie Mintransa. — Adnak na asnoŭnych maršrutach ruchu tranzitnaha transpartu i niekatorych inšych darohach abmiežavańni ŭvodzicca nie buduć».
Časovyja abmiežavańni nie buduć raspaŭsiudžvacca na transpartnyja srodki, jakija ažyćciaŭlajuć pieravozki pasažyraŭ, žyvych žyvioł, kvietak, hruzaŭ humanitarnaj dapamohi, lekavych srodkaŭ, pošty i paštovych hruzaŭ, zbožža, kambikarmoŭ, nasiennaha fondu, uhnajeńniaŭ, niebiaśpiečnych hruzaŭ, a taksama hruzaŭ, što pieravoziacca ŭ refryžeratarach, dla zachavanaści jakich patrabujecca vykanańnie śpiecyjalnaha tempieraturnaha i sanitarna-hihijeničnaha režymaŭ.
Pad abmiežavańni nie traplajuć transpartnyja srodki, jakija ažyćciaŭlajuć dziejnaść pa ŭtrymańni, ramoncie i raźvićci aŭtadaroh, a taksama pieravozki hruzaŭ u metach zabieśpiačeńnia abaranazdolnaści, pravaparadku, likvidacyi nadzvyčajnych situacyj abo nastupstvaŭ DTZ.
Biez uliku časovych abmiežavańniaŭ mahčymyja taksama peŭnyja vidy pieravozak, ale pry ŭmovie atrymańnia śpiecyjalnaha dazvołu na prajezd.
«Na darohach ustanoŭlenyja časovyja darožnyja znaki, a za pieramiaščeńniem hruzavoha aŭtatranspartu z ulikam abmiežavańniaŭ budzie ažyćciaŭlacca kantrol. Pry spryjalnych umovach nadvorja časovyja viesnavyja abmiežavańni nahruzak mohuć być admienienyja daterminova».
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ26
Kamientary