Papa Francišak nazvaŭ zakryćcio fabryk i zvalnieńnie rabočych biez važkich pryčyn «vielmi surjoznym hrachom», paviedamlaje VVS.
«Luby, chto z dapamohaj ekanamičnych machinacyj abo ździełak, jakija nie zusim prazrystyja, zakryvaje zavody i kampanii i adymaje pracu ŭ ludziej, učyniaje vielmi surjozny hrech», — zajaviŭ pantyfik. U pryvatnaści, papu tryvožyć situacyja ŭ italjanskim padraździaleńni telekanała Sky, dzie prachodziać surjoznyja skaračeńni.
Papa vystupaŭ u sieradu pierad tysiačami ludziej na płoščy Śviatoha Piatra ŭ Vatykanie. U svajoj pramovie jon adchiliŭsia ad padrychtavanaha tekstu.
«Praca daje nam pačućcio ŭłasnaj hodnaści, — cytuje Rejter papu. — Tyja, chto niasie adkaznaść za ludziej, pavinny rabić usio, kab kožnaja žančyna i kožny mužčyna mahli pracavać i chadzić z vysoka padniataj hałavoj, hladzieć ludziam u vočy z pačućciom ułasnaj hodnaści», — skazaŭ pantyfik.
Papa i raniej abaraniaŭ pravy pracoŭnych. U vieraśni 2014 hoda jon krytykavaŭ niamieckuju staleliciejnuju kampaniju ThyssenKrupp za płany pa skaračeńni rabočych na stratnym zavodzie ŭ Italii.
Papa Francišak časta krytykuje kapitalizm za «pakłanieńnie hrašam» i rastučuju niaroŭnaść. Niekatoryja krytyki nazyvajuć jaho papam-marksistam, piša «Frans pres». Adnak sam jon kaža, što nie padzialaje kamunistyčnych idej.
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary