Minpracy prapanuje ŭvieści ŭ dadatak da padatkaŭ abaviazkovuju «strachoŭku ad biespracoŭja»
Minpracy i sacabarony choča ŭvieści strachoŭku ad biespracoŭja, pavysiŭšy ŭnioski, jakija płaciać najmalniki i rabotniki.
U pačatku lutaha prapanovy byli pieradadzienyja va urad, raspavioŭ haziecie «Respublika» Aleh Takun, načalnik upraŭleńnia palityki zaniataści Ministerstva pracy i sacyjalnaj abarony.
Płanujecca, što strachavańnie ad biespracoŭja budzie abaviazkovym. Ale atrymlivać dapamohu možna budzie tolki ŭ tym vypadku, kali čałaviek zarehistrujecca ŭ słužbie zaniataści.
«My praličyli, što štomiesiačny ŭznos pavinien składać 0,5% ad fondu apłaty pracy. Pry hetym prapanujem płacić hetuju sumu kožnamu paroŭna — i najmalniku, i rabotniku. Heta značyć, rabotnik zamiest 1% u FSZN pavinien budzie płacić 1,25%. Mnie zdajecca, što heta nieistotnaje pavieličeńnie, uličvajučy toje, što čałaviek atrymlivaje realnuju abaronu ad biespracoŭja. I najmalniki, dumaju, taksama buduć nie suprać, pakolki heta zdymie ź ich peŭny hruz sacyjalnaj adkaznaści za zvolnienych rabotnikaŭ», — skazaŭ Takun.
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ34
Kamientary