Amapaviec pra cyvilnuju vopratku na mitynhach: Mnie hetaja forma vydajecca dziaržavaj
U chodzie suda nad adnym z zatrymanych za ŭdzieł u «Maršy niedarmajedaŭ» supracoŭnik AMAPa raspavioŭ, što cyvilnuju vopratku — štany i spartyŭny kaścium, u jakoj siłavikoŭ zaŭvažajuć na roznych akcyjach, im vydaje dziaržava, pieradaje TUT.BY.
U sudzie Centralnaha rajona razhladali ŭdzieł u «Maršy niedarmajedaŭ» 29-hadovaha biespracoŭnaha Arcioma Skarabahataha. Mužčyna atrymaŭ 15 sutak aryštu. Jon śćviardžaje, što ŭ «Maršy niedarmajedaŭ» naohuł nie braŭ udziełu. Miž tym amapaŭcy Alaksandr Kuleš i Siarhiej Kućko, jakija vystupili śviedkami na pracesie, zajavili, što bačyli jaho tam. Pryčym zatrymany parušaŭ zakon — išoŭ u čornaj mascy. Pry hetym vialikaha zaplečnika za śpinoj maładoha čałavieka jany nie zaŭvažyli, a koler šapki nie zapomnili. Tolki zialonyja štany.
Supracoŭniki milicyi patłumačyli, što na akcyi pratestu pracavali ŭ cyvilnym. Pra toje, što małady čałaviek parušaje zakon, jany jamu paŭtarali niekalki razoŭ. Ci jon čuŭ ich, amapaŭcy dakładna nie ŭpeŭnienyja.
— Čamu vy nie pakazali svajo paśviedčańnie, kab moj padabaronny zrazumieŭ, što da jaho pradjaŭlajuć patrabavańni mienavita supracoŭniki milicyi? — pacikaviłasia advakat Alina Šostak.
— Tam było šmat naroda, mahli i zabrać (paśviedčańnie), — adkazaŭ śviedka Siarhiej Kućko.
Jaho naparnik Alaksandr Kuleš taksama raspavioŭ, što cyvilnuju vopratku amapaŭcam vydaje dziaržava.
— Štany i spartyŭny kaścium — heta ŭłasnaść dziaržavy. Mnie hetaja hramadzianskaja forma vydajecca, — zajaviŭ śviedka.
-
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
-
«Bajsoł» abvinavaciŭ Stryžaka ŭ admovie pieradać kantrol nad jurydyčnymi asobami ŭ Polščy i ZŠA
-
Departavanym palitviaźniam, kab abžycca na novym miescy, zaraz treba prostyja rečy: vopratka, posud, paściel — zbor
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary