Na «Marš niedarmajedaŭ» u Mazyry, Kobrynie i Śvietłahorsku vyjšła pa niekalki dziasiatkaŭ čałaviek
U Mazyry na płošču Lenina 18 sakavika vyjšli niekalki dziesiatkaŭ čałaviek, kab vykazać svajo niezadavalnieńnie «darmajedzkim«dekretam № 3, ekanamičnaj sytuacyjaj u horadzie i krainie.
Adzin z udzielnikaŭ stychijnaha schodu paviedamiŭ:
«Idzie doždž, mokry śnieh, ale haradžanie pakul nie sychodziać. Uhołas aburajucca ciažkim stanam žyćcia, skaračeńniami na pradpryjemstvach, nizkimi zarobkami».
Da ludziej padychodziŭ namieśnik načalnika RAUS, papiaredžvaŭ, što schod niezakonny. Adnak ludzi praciahvajuć stajać kala pomnika «pravadyru ŭsiaśvietnaj revalucyi Ŭljanavu-Leninu».
Dva dni tamu milicyja aficyjna papiaredziła miascovaha aktyvista Ryhora Kryvickaha, kab jon nie vychodziŭ na płošču. Pensijaner «zaśviaciŭsia» tym, što padaŭ zajaŭku ŭ Mazyrski rajvykankam na pikiet na 26 sakavika. Sam zajaŭnik pryjšoŭ na niekalki chvilin na płošču, raskazaŭ pra papiaredžańnie i syšoŭ.
Pa źviestkach vidavočcaŭ, trasa Kobryn-Homiel napoŭniena ekipažami patrulnych mašyn DAI. Stajać jany na ŭjezdach u Mazyr, u Rečycu.
Taksama pa niekalki dziasiatkaŭ čałaviek vyjšli na akcyi pratestu ŭ Kobrynie i Śvietłahorsku.
U astatnich haradach: Lidzie, Navapołacku, Rečycy, Barysavie, Asipovičach, Horkach, Žodzinie, Salihorsku i Łunincy, paznačanych u anonsie akcyi, na ananimny zaklik da pratestaŭ nichto nie adhuknuŭsia.
Ciapier čytajuć
Łukašenka raskazaŭ pra zabojstva apazicyjaniera, jakoje nibyta adbyłosia try dni tamu18
Kamientary