Minabarony abviarhaje źviestki pra «nadzvyčajnaje stanovišča» ŭ vajskovych častkach
Karystalniki sacyjalnych sietak spasyłajucca na siabroŭ i svajakoŭ, jakija prachodziać terminovuju słužbu ŭ biełaruskim vojsku. Pavodle ichnych źviestak, napiaredadni akcyjaŭ da Dnia Voli ŭ roznych haradach Biełarusi nibyta abviaščajecca «nadzvyčajnaje stanovišča» ŭ vajskovych padraździaleńniach.
«Dziaŭčyna siabra, jaki słužyć u vajskovaj častcy ŭ Horadni, siońnia dasłała voś takoje paviedamleńnie. Nie daviarać siabru ci joj u mianie padstaŭ niama», — piša adzin z karystalnikaŭ, vykładajučy skrynšot.
Źmiest paviedamleńnia taki: «Paša kazaŭ, što ich z palihonu ŭsich adpraŭlajuć u častku, bo abviaščajuć nadzvyčajnaje stanovišča napiaredadni 25 sakavika».
Na prośbu prakamentavać padobnyja źviestki pradstaŭnik Ministerstva abarony Biełarusi Ŭładzimier Makaraŭ adkazaŭ lakanična:
«Ministerstva abarony aficyjna davodzić: hetaja infarmacyja nie adpaviadaje realnaści. Tak i napišycie, kamentavać tut niama čaho».
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii
Kamientary