Viaskoŭca, jakoha pasadzili za kanflikt sa staršynioj Uździenskaha rajvykankama, adpuścili paśla publikacyi ŭ ŚMI
Pa padlikach Ilji Aleksandroviča, apynucca na voli jon pavinien byŭ tolki ŭ piatnicu. Ale siońnia, u aŭtorak, kala 11-j ranicy jamu paviedamili: «My ciabie vypuskajem».
U minuły paniadziełak na dziciačaj placoŭcy ŭ vioscy Karalova Uździenskaha rajona pamiž miascovym žycharom Illoj Aleksandrovičam i staršynioj Uździenskaha rajvykankama Siarhiejem Laŭkovičam uźnik kanflikt. Na zaŭtra Illu vyklikali ŭ RAUS, adtul — u sud. Za drobnaje chulihanstva mužčynu adpravili na dziesiać sutak u izalatar. I jon, i jahonaja žonka Volha nie razumiejuć za što: «Jon nie hrubiŭ i niecenzurna nie vykazvaŭsia». Pa słovach staršyni rajvykankama, Illa pavodziŭ siabie zadzirliva. Siarhieja Laŭkoviča heta abraziła, i jak fizičnaja asoba jon źviarnuŭsia ŭ milicyju.
My źviazalisia ź Illoj, kali jon viartaŭsia z RAUS dadomu.
— Ja i sam nie razumieju, što adbyłosia, — nie chavaje emocyj jon. — Kala 11 dnia mnie paviedamili: «Źbiraj rečy, my ciabie vypuskajem». Rastłumačyli, maŭlaŭ, skaracili termin da siami sutak. Jak, čamu, tołkam nie patłumačyli. Adzinaje, nijakich dakumientaŭ mnie na ruki nie dali.
Paśla incydentu na dziciačaj placoŭcy Illa abskardziŭ rašeńnie suda Uździenskaha rajona ŭ abłasnym sudzie.
— Minski abłasny sud siońnia razhledzieŭ skarhu na pastanovu suda Uździenskaha rajona, — kamientuje situacyju Zarana Žukoŭskaja, aficyjny pradstaŭnik suda. — U vyniku pastanovu rajonnaha suda źmianili i pryznačyli siem sutak aryštu.
Ale stavić kropku ŭ hetaj historyi siamji Aleksandroviča pakul nie źbirajucca.
— Ja budu damahacca, kab mnie patłumačyli, za što mianie zatrymali, — kaža Illa. — Chaču zrazumieć, čamu mnie nie pryjšła pozva ŭ milicyju i čamu nie dapytali ŭ jakaści śviedki našaha susieda.
Ciapier čytajuć
«Chaču ŭziać intervju» — «Nie» — «Davajcie ja vas sfatahrafuju» — «Nie». Bialacki raskazaŭ pra sustreču ŭ kałonii z Pratasievičam9
Kamientary