Jak biełarusy sprabujuć zrabić krainu lepšaj: top-10 papularnych anłajn-pietycyj

Nie pačynać vytvorčaść kaŭbasy i tušonki z babroŭ

Fota: change.org

Padpisali: 130 tysiač čałaviek.

Vynik: niama.

Vyzvalić rasijanku Maryju Rymar, jakoj pahražaŭ termin za niaŭdały žart u minskim aeraporcie pra tracił u torbie

Fota: change.org

Padpisali: bolš za 107 tysiač čałaviek.

Vynik: Adbyŭsia sud, jaki pryznačyŭ pakarańnie ŭ vyhladzie štrafu na tysiaču dalaraŭ, paśla čaho žančynu adpuścili dadomu. Muž Maryi ličyć, što, kali b nie było rezanansu temy, Maryju pakarali b bolš žorstka.

Admianić dziejańnie dekreta №3 «Ab papiaredžańni sacyjalnaha ŭtrymanstva»

Pavialičyć

Vital Jurčanka z Homiela vystaviŭ takoje patrabavańnie amal adrazu ž paśla ŭstupleńnia dekreta ŭ siłu. Ułasna, chto hetaha tolki ŭžo nie patrabavaŭ.

Padpisali: 60 tysiač čałaviek ź nievialikim. Jašče amal što 30 tysiač biełarusaŭ vykazali elektronnuju salidarnaść pad pietycyjaj z anałahičnaj temaj na sajcie Zvarot.by.

Vynik: niama.

Biełaruskaja mova — taksama dziaržaŭnaja. Infarmacyja pra tavary i pasłuhi pavinna być na abodvuch movach

Padpisali: 4423 čałaviek.

Pavialičyć

Tysiačy čałaviek prosiać, kab ŭłada zamacavała abaviazkovaść vykarystańnia i ruskaj, i biełaruskaj movaŭ na etykietkach.

Vynik: Pałata pradstaŭnikoŭ budzie prymać rašeńnie ŭ krasaviku.

Uklučyć bieł-čyrvona-bieły ściah u śpis histaryčnych kaštoŭnaściaŭ

Fota Siarhieja Hudzilina

Padpisali: 2299 čałaviek.

Vynik: namieśnik ministra infarmacyi Alaksandr Jacko paličyŭ, što dla ŭklučeńnia ściaha ŭ śpis histaryčnych kaštoŭnaściaŭ niedastatkova najaŭnych arhumientaŭ, dakumientaŭ i navukovych daśledavańniaŭ.

Zachavać u adzinaj ahulnarespublikanskaj sistemie raźlikaŭ mahčymaść padačy dadzienych z vykarystańniem internetu, jak heta było ŭ komplat.by

Fota: vestka.by

Padpisali: 2273 čałaviek.

Vynik: Ciapier žychary Minska mohuć padavać pakazańni ličylnikaŭ vady praz ARIP.

Admianić padatak na «bałvanki»

Fota: petitions.by

Padpisali: 1281 čałaviek.

Vynik: Dziaržaŭny kamitet pa navucy i technałohijach RB vyrašyŭ, što dadzienaja prapanova zasłuhoŭvaje detalovaha razhladu i budzie ŭklučana ŭ prajekt źmienaŭ u Zakon ab aŭtarskim pravie.

Pieradać razborki z šumnymi susiedziami ad supracoŭnikaŭ ŽES milicyi

Pavialičyć

Fota: minsknews.by

List u Pałatu pradstaŭnikoŭ užo nakiravali 620 čałaviek. Usim im nie padabajecca, što ŭ Biełarusi niama adpracavanaj schiemy pakarańnia susiedziaŭ-miełamanaŭ i debašyraŭ: u pracoŭny čas hetym zajmajecca ŽES. Poźnim viečaram i nočču sihnały pra šum prymaje milicyja, prybyvaje pa vykliku, adnak potym usio roŭna pieradaje spravy ŭ ŽES. Praces zaciahvajecca.

Padpisali: 620 čałaviek.

Vynik: niama.

Zachavać Vietkaŭski muziej u Homielskim parku

Fota: gomelstreet.info

Pradstaŭniki biełaruskaj hramadskaści pratestujuć suprać pieranosu filijała Vietkaŭskaha muzieja z Homielskaha parku za 25 kiłamietraŭ ad Homiela ŭ horad Vietku: heta, chutčej za ŭsio, jaho źniščyć.

Padpisali: 1147 čałaviek (jak adznačyŭ juryst resursu Zvarot.by Uładzimir Machnač, dla rehijanalnaj kampanii heta vielmi dobryja ličby).

Vynik: niama.

Spynić parušeńnie zakonnaści ŭ našaj krainie

Pavialičyć

Fota Siarhieja Hudzilina

Zvaroty z patrabavańniem praviadzieńnia pravierki dziejańniaŭ dziaržaŭnych orhanaŭ padčas praviadzieńnia mirnaha schodu, pryśviečanaha śviatkavańniu Dnia Voli 25 sakavika 2017 h., aŭtamatyčna nakiroŭvajucca ŭ Hienieralnuju prakuraturu.

Padpisali: za niekalki dzion kampaniju padtrymali 876 čałaviek.

Vynik: pakul niama.

* * *

Udakładnim, što zvaroty praz Change.org nie majuć nijakaj jurydyčnaj siły. Ich moža padpisvać luby internet-karystalnik (nie tolki ź Biełarusi), dy jašče i nie ŭkazvać svajo imia.

A voś zvaroty praz Petitions.by i Zvarot.by całkam adpaviadajuć biełaruskamu zakanadaŭstvu. Na ich dziaržava musić davać aficyjny adkaz.

• 0
• 0
• 0
• 0
• 0
• 0
• 0
• 0