Rašeńniem ekanamičnaha suda Mahiloŭskaj vobłaści sumiesnaje zakrytaje akcyjaniernaje tavarystva «Asipovicki vahonabudaŭničy zavod» pryznanaje bankrutam, i ŭ dačynieńni da daŭžnika adkrytaja likvidacyjnaja sprava. Pra heta havorycca ŭ paviedamleńni Viarchoŭnaha suda, piša Tut.by.
Sudom ustanoŭlena, što z 2015 hoda pradpryjemstva pracavała sa stratami. U dadzieny momant abaviazacielstvy zavoda ŭ 177 razoŭ pieravyšajuć debitorskuju zapazyčanaść i ŭ dziesiać razoŭ bolš za košt jaho aktyvaŭ: pa stanie na sakavik 2017 hoda ŭ śpisie kredytoraŭ — 39 subjektaŭ haspadarańnia, a sumarnaja zapazyčanaść zavoda pierad kredytorami składaje zvyš za 240,8 młn denaminavanych rubloŭ.
Zhodna z zaklučeńniem kiraŭnika, asnoŭnaj pryčynaj, jakaja pryviała da bankructva pradpryjemstva, źjaviŭsia spad u ekanomicy, jaki paciahnuŭ za saboj źnižeńnie abjomaŭ hruzapieravozak pa krainie i za jaje miežami, i, jak śledstva — popytu na pradukcyju. Heta, u svaju čarhu, pryviało da niazdolnaści zavoda raźličycca pa kredytnych abaviazacielstvach i paciahnuła za saboj adčužeńnie majomaści, nieabchodnaj dla vytvorčaści.
Sudom vyznačany termin likvidacyi pradpryjemstva da 20 sakavika 2018 hoda.
Kamientary