Biełčyhunka z 4 červienia adkryvaje letni maršrut da ŭźbiarežža Azoŭskaha mora
Biełaruskaja čyhunka z 4 červienia adkryvaje novy letni maršrut da ŭźbiarežža Azoŭskaha mora, paviedamili ŭ pres-centry BČ.
«Biełaruskaja čyhunka ŭ letnim siezonie 2017 hoda prapanuje pasažyram novy maršrut dla prajezdu da ŭźbiarežža Azoŭskaha mora Minsk—Biardziansk. Bieśpierasadačnyja płackartavyja vahony buduć kursavać z 4 červienia pa 30 žniŭnia ŭ składzie ciahnika №100 pa cotnych čysłach», — rastłumačyli ŭ pres-centry.
Ciahnik budzie adpraŭlacca ź Minska ŭ 7.44 i prybyvać u Biardziansk na nastupnyja sutki ŭ 15.35. U zvarotnym kirunku ź Biardzianska vahony buduć adpraŭlacca ŭ składzie ciahnika №608 Biardziansk—Zaparožža pa niacotnych čysłach ŭ 16.10 i prybyvać u stalicu Biełarusi praz sutki ŭ 00.10.
Prodaž kvitkoŭ pačniecca za 45 sutak da adpraŭleńnia ciahnika.
U BČ nahadali, što ŭ 2017 hodzie dla pasažyraŭ, jakija žadajuć abjadnacca ŭ arhanizavanyja hrupy kolkaściu ad 10 da 24 čałaviek (darosłych, jakija apłacili prajezd), pradastaŭlajecca źnižka ŭ pamiery 20% ad ahulnaj koštu prajezdu. Pry kolkaści hrupy 25 čałaviek i bolš źnižka składzie 30%.
Padrabiaznuju infarmacyju možna atrymać na sajcie BČ, a taksama ŭ čyhunačnych kasach i pa telefonach daviedačnych słužbaŭ.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary