Беларуская чыгунка з 4 чэрвеня адкрывае новы летні маршрут да ўзбярэжжа Азоўскага мора, паведамілі ў прэс-цэнтры БЧ.
«Беларуская чыгунка ў летнім сезоне 2017 года прапануе пасажырам новы маршрут для праезду да ўзбярэжжа Азоўскага мора Мінск—Бярдзянск. Бесперасадачныя плацкартавыя вагоны будуць курсаваць з 4 чэрвеня па 30 жніўня ў складзе цягніка №100 па цотных чыслах», — растлумачылі ў прэс-цэнтры.
Цягнік будзе адпраўляцца з Мінска ў 7.44 і прыбываць у Бярдзянск на наступныя суткі ў 15.35. У зваротным кірунку з Бярдзянска вагоны будуць адпраўляцца ў складзе цягніка №608 Бярдзянск—Запарожжа па няцотных чыслах ў 16.10 і прыбываць у сталіцу Беларусі праз суткі ў 00.10.
Продаж квіткоў пачнецца за 45 сутак да адпраўлення цягніка.
У БЧ нагадалі, што ў 2017 годзе для пасажыраў, якія жадаюць аб'яднацца ў арганізаваныя групы колькасцю ад 10 да 24 чалавек (дарослых, якія аплацілі праезд), прадастаўляецца зніжка ў памеры 20% ад агульнай кошту праезду. Пры колькасці групы 25 чалавек і больш зніжка складзе 30%.
Падрабязную інфармацыю можна атрымаць на сайце БЧ, а таксама ў чыгуначных касах і па тэлефонах даведачных службаў.
Цяпер чытаюць
У СІЗА КДБ апынуўся Мікалай Цырто, фігурант старой справы Беларусбанка. Другі раз — за палітыку1
У СІЗА КДБ апынуўся Мікалай Цырто, фігурант старой справы Беларусбанка. Другі раз — за палітыку
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1111
Каментары