U sacsietkach šyrycca kampanija salidarnaści z zatrymanymi napiaredadni Dnia Voli pad chešteham #PatryjotNieZłačynca.
«Treci tydzień znachodziacca za kratami dva dziasiatki patryjotaŭ Biełarusi. Ich zakidvajuć fantastyčnymi abvinavačvańniami, a chod spravy nieviadomy ni svajakam, ni žurnalistam, bo Kamitet dziaržbiaśpieki ŭtojvaje ad hramadskaści ŭsiu infarmacyju pra śledstva.
Daloka nie ŭsie źniavolenyja patryjoty atrymlivajuć listy ad svaich siemjaŭ i znajomych, jość infarmacyja, što tolki častka viestačak dachodzić da adrasataŭ. Jany nie viedajuć, što my ŭsie chvalujemsia, vierym i hanarymsia imi», — piša kaardynatarka kampanii Nina Šydłoŭskaja i tłumačyć, što ŭ hetaj situacyi moža zrabić kožny:
— dasłać paštoŭku ci list sa słovami padtrymki, kab hetyja łastaŭki ludskoj spahady i ciepłyni lacieli z usich kutkoŭ Biełarusi;
— pieraličyć hrošy na rachunki dapamohi. Jana ŭsio jašče aktualnaja, bo šmat chto z svajakoŭ źniavolenych paśla pieratrusaŭ zastaŭsia biez srodkaŭ, majuć patrebu apłočvać pasłuhi advakataŭ, źbirać pieradačy dla svaich blizkich.
Dla tych, chto ŭ SIZA KDB: 220050, h. Minsk, Hałoŭpaštamt, a/ia 8. Proźvišča, imia, imia pa baćku całkam.
Dla tych, chto ŭ SIZA-1: 220030, h. Minsk, vuł. Vaładarskaha, 2. Proźvišča, imia, imia pa baćku całkam.
Dapamoha ŭnutry Biełarusi:
Srodki ŭ tolki ŭ BYN — na kartku Biełarusbanka 4255190182607666 (termin da 07/19, karystalnik Nina Shydlouskaya).
Kamientary