Departujuć troch chryścijanskich prapaviednikaŭ, što adsiadzieli za «niecenzurnuju łajanku»
Ukrainskija hramadzianie Ŭładzisłaŭ Jarmołaŭ, Leanid Namiarčuk i Ašot Sarkiśjan ź misii «Dobraja viestka» paśla 15 sutak aryštu ŭ biełaruskim Miensku a 14.30 6 krasavika pavinny prybyć samalotam u Kijeŭ.
«Try ŭkrainskija prapaviedniki vyzvalenyja ź izalatara časovaha ŭtrymańnia i adpraŭlenyja ŭ aeraport, adkul jany buduć departavanyja samalotam u Kijeŭ za košt biełaruskaha boku», — zajaviŭ Svabodzie konsuł Ukrainy ŭ Miensku Alaksandar Navasiołaŭ.
Pavodle konsuła, jamu nie ŭdałosia sustrecca z ukrainskimi prapaviednikami, jon tak i nia mieŭ ź imi kantaktu. Ale 5 krasavika, skazaŭ Navasiołaŭ, jon byŭ u izalatary i sustreŭsia tam z tryma inšymi ŭkrainskimi hramadzianami, jakija znachodziacca pad aryštam.
«Tam usio ŭ paradku z umovami znachodžańnia, skarhaŭ na ŭtrymańnie ŭ ich niama. Dy i sam ja baču, što tam narmalnyja ŭmovy», — skazaŭ konsuł.
22 sakavika ŭ Miensku byli zatrymanyja chryścijanskija prapaviedniki z Ukrainy Ašot Sarkiśjan, Leanid Namiarčuk, Uładzisłaŭ Jarmołaŭ ź misii «Dobraja viestka». Jany źbiralisia pravieści ŭ Minsku biblejskija seminary z udziełam paŭdniovakarejskaha prapaviednika, adnak byli zatrymanyja i asudžanyja na 15 sutak pa abvinavačvańni ŭ niecenzurnaj łajancy.
Ciapier čytajuć
U SIZA KDB apynuŭsia Mikałaj Cyrto, fihurant staroj spravy Biełarusbanka. Druhi raz — za palityku1
Kamientary