Parašenka: Łukašenka zapeŭniŭ, što vučeńni z rasiejcami nie buduć padrychtoŭkaj da ŭvarvańnia va Ukrainu
Prezident Ukrainy Piatro Parašenka zajaŭlaje, što ŭ časie pieramoŭ ź biełaruskim kaleham Alaksandram Łukašenkam dasiahnutaja damoŭlenaść pra adnaŭleńnie pracesu demarkacyi dziaržaŭnaj miažy.
«Chaču padkreślić, što my damovilisia zavieršyć najbližejšym časam praces demarkacyi našych dziaržaŭnych miežaŭ, jaki, na žal, nie pravodziŭsia ŭ apošnija hady, što stanie dadatkovym faktaram uzmacnieńnia biaśpieki dźviuch krain. Słovam, vieru, što ŭkrainska-biełaruskaja miaža była, jość i budzie miažoj družby, dobrasusiedstva i našaha partniorstva», — zajaviŭ Piatro Parašenka siońnia ŭ časie vystupu pierad ukrainskimi pamiežnikami.
Aproč taho, pavodle ŭkrainskaha prezidenta, Alaksandar Łukašenka zapeŭniŭ jaho ŭ tym, što rasijska-biełaruskija vajskovyja vučeńni «Zachad-2017» nie buduć padrychtoŭkaj da ŭvarvańnia va Ukrainu. «U mianie niama nijakich sumnieńniaŭ u vyklučna dobrych namierach Biełarusi, ale jana ŭ sajuźnickich stasunkach z Rasijaj. A da Maskvy ŭ nas davieru zusim niama», — dadaŭ jon.
Kamientary