Miascovyja ŭłady pryniali rašeńnie ab abmiežavańni ŭjezdu turystaŭ u «horad na vadzie», paviedamlajuć infarmahienctvy. Pačać płanujecca z dakładnaha padliku kolkaści tych, chto pryjazdžaje ŭ Vieniecyju.
Ekśpierymientalnyja padlikovyja pryłady buduć ustanoŭlenyja ŭ samych ludnych i prachadnych miescach — na vakzale, prystani, a taksama vuzłavych vulicach. Inicyjatyvu jašče pavinien uchvalić urad Italii i JUNIESKA, adnak mer Vieniecyi Łuidžy Brunjara upeŭnieny, što rašeńnie akažacca stanoŭčym.
U pieršuju čarhu novaŭviadzieńnie pavinna ablehčyć žyćcio prostym italjancam, jakija žyvuć u horadzie i pakutujuć ad miljonaŭ turystaŭ, jakija prybyvajuć u Vieniecyju štohod. Paśla płanujecca abstalavać śpiecyjalnyja zony adpačynku dla haściej, a taksama ŭkaranić funkcyju abviestki pra masavy napłyŭ pryjezdžych.
Nie vyklučana, što budzie ŭviedzienaja płata za naviedvańnie centralnaj płoščy horada, na jakoj raźmieščany sabor San-Marka. Pakul uvachod tudy byŭ svabodnym.
Pavodle danych turapierataraŭ, letaś Vieniecyju naviedali kala 7 młn turystaŭ. U toj ža čas, nasielnictva samoha horada źmienšyłasia da 56 tysiač čałaviek.
Ciapier čytajuć
Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond8
Kamientary