Rasijskaje NTV brudna vyśmiejała humanitarnuju dapamohu Biełarusi žycharam Ukrainy VIDEA
Biełaruś nakiravała humanitarnuju dapamohu žycharam zony kanfliktu na ŭschodzie Ukrainy, dzie Rasieja viadzie «hibrydnuju vajnu». Dapamoha pryznačana ŭsim, chto pražyvaje pa abodva baki linii sudakranańnia. Telekanał NTV ubačyŭ tut nahodu dla brudnych žartaŭ.
Biełaruś akazała Ukrainie humanitarnuju dapamohu na ahulnuju sumu 117,9 tys. biełaruskich rubloŭ (kala $63 tysiač).
Saviet ministraŭ Biełarusi pastanovaj ad 4 maja daručyŭ Ministerstvu pa nadzvyčajnych situacyjach, Dziaržaŭnamu kamitetu pa majomaści, kancernu «Biełdziaržcharčpram», Hrodzienskamu abłvykankamu i šerahu biełaruskich pradpryjemstvaŭ zabiaśpiečyć vydaču i afarmleńnie materyjalnych kaštoŭnaściaŭ dla akazańnia humanitarnaj dapamohi Ukrainie.
U pryvatnaści, u skład humanitarnaj dapamohi ŭvajšli miasnyja kansiervy, masła, cukar, droždžy, muka, makarona, krupy, bytavyja myjnyja srodki, hihijeničnyja srodki.
Taksama dakumientam daručana MNS pry sadziejničańni MZS zabiaśpiečyć dastaŭku aŭtamabilnym transpartam humanitarnaj dapamohi va Ukrainu; arhanizavać pieradaču humanitarnaj dapamohi misii Mižnarodnaha Čyrvonaha Kryža va Ukrainie dla raźmierkavańnia siarod paciarpiełaha nasielnictva Ukrainy.
Telekanał NTV ubačyŭ u hetaj akcyi nahodu brudna i amaralna pažartavać.
«Ubačyŭšy ŭkrainskaje «Jeŭrabačańnie», Biełaruś tak razžaliłasia, što adpraviła ŭ/na Ukrainu tualetnuju papieru. Davajcie, pa-pieršaje, pavinšujem Biełaruś: kraina narešcie znajšła kahości, chto biadniejšy za jaje. Jak kažuć, čym bahatyja, tym i padcirajusia. 8 tysiač rułonaŭ tualetnaj papiery! Navat biełarusy zrazumieli, što ŭ/na Ukrainie ž*pa. Ale pakul nie zrazumieli, što 8 tysiač rułonaŭ dla ŭkrainskaj dupy vidavočna niedastatkova… Tušonka, alej, makarona i tualetnaja papiera: vyrašyli zabiaśpiečyć uvieś stravavalny praces pad kluč. Miarkujučy pa nabory, u/na Ukrainie vyrašyli pravieści fiestyval makarony pa-fłocku, i arhanizatary adčuvajuć, što projdzie jon nie vielmi dobra. Ja navat nie viedaju, što smačniej: biełaruskaja makarona abo biełaruskaja tualetnaja papiera. Kryŭdna tolki, što «Baćka» zažyliŭ chachłam znakamityja biełaruskija ananasy. Darahija ŭkraincy, nie zabyvajcie: Łukašenka — pažyły čałaviek. Słoiki potym viarnicie!»
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary