Čarhiniec prakamientavaŭ admovu SIZA №1 i SIZA KDB pryniać knihi Sajuza biełaruskich piśmieńnikaŭ
Sajuz biełaruskich piśmieńnikaŭ paviedamiŭ, što arhanizacyja sprabavała pieradać u biblijateku SIZA №1 i SIZA KDB knihi pa-biełarusku.
Siarod ich — tvory kłasikaŭ ajčynnaj litaratury, a taksama knihi siabroŭ Sajuza. Pryčynaj dla takoha kroku stali skarhi fihurantaŭ «spravy patryjotaŭ» pra niedachop litaratury ŭ miescach źniavoleńnia.
Adnak prynamsi ź SIZA №1 pryjšła admova z abhruntavańniem, što «fond biblijateki ŭstanovy ŭ poŭnaj miery zabiaśpiečany knihami, u tym liku na biełaruskaj movie, i ŭ ciapierašni čas nie adčuvaje patrebu ŭ papaŭnieńni».
Situacyju dla «Našaj Nivy» prakamientavaŭ staršynia praŭładnaha sajuza piśmieńnikaŭ, hienierał Mikałaj Čarhiniec.
«Knihi — heta forma znosinaŭ, — skazaŭ Čarhiniec. — Praź ich možna pieradać usio, što chočaš. Kali asobnym čynam čytać tyja ci inšyja staronki. Ujavicie — siadzicie vy tam, a inšy čałaviek vyrašyŭ pieradać važnuju dla vas infarmacyju. U biblijateku pieradali, a vy tudy pajšli, uziali i čytajecie toje, što chacieŭ by toj čałaviek, kab vy čytali. Heta narmalnyja normy, va ŭsim śviecie taki paradak, nie treba tut ničoha šukać».
-
U Baranavičach vylepili sa śniehu vialikaha kania ŭ palito FOTAFAKT
-
Pamiatajecie biełarusku, jakaja žyła i viała biznes u Litvie, ale nienavidzieła krainu? Daviedalisia, što z fanatkaj Łukašenki ciapier
-
«Pakul nie źniali tyktok — nichto nie varušyŭsia». Jak biełarusy vyrašajuć kamunalnyja prablemy praz ahałosku
Raźviedka ZŠA: Biełaruś stała pieradavym vajskovym płacdarmam Rasii24
Kamientary