Naprykancy krasavika HA «Sajuz biełaruskich piśmieńnikaŭ», žadajučy pieradać šerah knih u turemnuju biblijateku, źviarnułasia da načalnika SIZA №1 i KDB Biełarusi z adpaviednaj prapanovaj, paviedamlajecca na sajcie arhanizacyi.
U liście ad imia staršyni Barysa Piatroviča vykazvałasia žadańnie ŭ miežach «dabračynnaj dziejnaści pa raspaŭsiudzie ajčynnaj knihi, prapahandzie čytańnia na biełaruskaj movie… pieradać u padarunak biblijatecy šerah knih, siarod jakich budzie i kłasika, i tvory sučasnych biełaruskich piśmieńnikaŭ». Paśla hetaha ŭtrymlivałasia prośba paviedamić praceduru pieradačy knih, pryčym arhanizacyja zabiaśpiečvała ich dastaŭku da śledčaha izalatara.
19 maja ŭ SBP pastupiŭ list ad načalnika SIZA №1 Vikiencija Varykaša, dzie paviedamlałasia, što «fond biblijateki ŭstanovy ŭ poŭnaj miery zabiaśpiečany knihami, u tym liku na biełaruskaj movie, i ŭ ciapierašni čas nie adčuvaje patrebu ŭ papaŭnieńni».
Nahadajem, što ŭ listach fihurantaŭ «spravy patryjotaŭ», jakija traplajuć u ŚMI, nie raz sustrakajecca pažadańnie mieć bolš knih dla čytańnia, u pieršuju čarhu mastackaj litaratury na biełaruskaj movie.
Kamientary